Mirror 人氣成員之一陳卓賢Ian,除咗唱得,又識玩樂器,入行之前更加係運動健將,除此之外讀書成績亦唔錯,可謂文武雙全!除咗才藝之外,Ian更有生意頭腦,為自己創立品牌,入行後雖然已人氣高企,但依然不忙增值自己,時常做GYM操FIT自己,可見其擁有卓越嘅成績背後,本身已埋藏着無限嘅潛能!
明星成長 | 欣宜克服負面評價及自我懷疑 奮鬥35年成功奪女歌手金
中學時被封「最佳二傳」
曾為香港男子排球代表隊
圖片來源 : IG@iancychan
Ian中學就讀長沙灣天主教英文中學,屬於區內名校,學術成績表現優秀之外,體育發展亦相對突出,曾連續16屆獲得「香港天主教教區中學聯校運動會」男子全場總冠軍!而Ian身為學校其中一員,運動表現當然絕不遜色,中學時更一度獲得全港學界精英排球比賽中「最佳二傳」。中學畢業後更入讀城市大學,修讀公共政策與政治系,當時更代表城市大學參加香港大專體育協會男子排球賽殺入總決賽,連續兩年衛冕冠軍!Ian期後亦成為香港男子排球代表隊及南華排球隊甲一隊。但因為Ian決心發展歌唱事業,終放棄運動員發展,專心一意投入演藝事業。
明星成長 | 關心妍出道由當紅新人跌至零收入 低潮時做義工重獲唱歌力量
借音樂表達自己 抒發壓力及情緒
至於音樂方面,Ian大學時已獲得認可,曾獲歌唱比賽冠軍,除咗自學鋼琴與吉他,更學識作曲填詞,並透過《全民造星》正式出道,創作出多首熱播歌曲,如《另一個諾貝爾》、《鯨落》及《蝸牛》等。
![](https://metroeducationplus.com.hk/wp-content/uploads/2022/06/ian1-300x225.png)
圖片來源 : IG@iancychan
而Ian學習音樂嘅契機,其實源自於自己性格嘅缺憾,Ian曾於訪問中提及,自己性格內向慢熱,唔太識講嘢表達自己感受,亦比較拒絕透過言語將自己嘅想法告知別人,曾話:「但這不代表我沒有和別人交流或分享想法的念頭,只是相比言語上,我覺得用文字或歌詞寫下這些想法,然後唱出來,對我而言,反會更『簡單直接』!」更表示唱歌與音樂係其中一個表達所想嘅渠道,亦正正因為呢個原因,一直驅使Ian做創作:「對我來說創作,除了可以紓緩壓力,歌曲也可以記錄自己當下心情和想法。音樂是我抒發情緒的方法,我不是一個太懂得用言語表達內心想法的人。所以就用歌, 說出來給大家知道。」
明星成長 | 林嘉欣十多歲便從台灣獨自到港發展 誕女後曾有抑鬱傾向
為建立品牌戶口曾剩下90元
![](https://metroeducationplus.com.hk/wp-content/uploads/2022/06/ian5-181x300.png)
圖片來源 : IG@iancychan
除咗音樂與運動,於抗疫期間Ian除咗積極建身操FIT自己,更開始建立個人品牌iNDIPANDANT,更為咗建立品牌而用晒所有積蓄,戶口曾經只剩下90元。IAN一手一腳建立自己嘅副業,親自參與所有程序,包括設計、訂貨、做貨、行政及宣傳,而呢個想法原來部分都嚟自家庭環境。Ian曾透露中學時因家境清貧,為咗外快,會喺日本網拍賣潮牌再出售。直至而家,Ian仍然好鍾情比較日系風格嘅服裝,並趁疫情期間投入更多心力,將自己鍾意嘅元素開成為個人品牌。
相關文章:
明星成長 | 鍾雪瑩曾身兼多個創作身份 裸辭為提升自我修養成專業演員
明星成長 | 方東昇中學為辯論隊隊長 TVB打滾24年由實習記者做到節目主持
明星成長 | Edan音樂讀書範範得 大學曾揀錯科感後悔
![明星成長-mirror-呂爵安](https://1283385405.rsc.cdn77.org/wp-content/uploads/2022/06/edan-1.jpg)