明星成長 | 林家棟早已認定演員之路 拒絕承繼父親衣鉢

明星成長-MIRROR-陳卓賢


2022年度金像獎憑兩部電影分別入圍最佳男主角嘅林家棟,入行三十多年,由TVB電視角色演到大銀幕,期間做過演員,又做過監製,加入電影圈後由閒角做到男主角,於2017年終憑《樹大招風》獲得最佳男主角。所謂成功需苦幹,林家棟被受證同之前,默默耕耘,不理父親反對堅持入行,終用成績證明自己嘅實力。

明星成長 | 欣宜克服負面評價及自我懷疑 奮鬥35年成功奪女歌手金

 

無綫藝員訓練班出身
由電視劇走到電影大銀幕
 

林家棟有十兄弟姊妹,排第九,屋企經營玉器生意,家境一般,林爸爸亦經歷過生意失敗,需要用屋企家品典當,更不時有債主搵上門,所以並唔太支持家棟入行做演員,希望林家棟能夠繼承衣鉢,不過家棟堅決反對,選擇為自己追逐電影夢。1987年家棟參加第14期無綫藝員訓練班,訓練班出道後感到非常困惑,與好多同行一樣都經歷過做閒角嘅歲月,捱足十年先真正成為劇集主角,其中代表作有《大鬧廣昌隆》、《茶是故鄉濃》及《金裝四大才子》,並憑「鵪鶉仔」一角奪得「我最喜愛電視角色」。

圖片來源 : IG@katung.lam

後來林家棟離開TVB,於電影圈打滾,簽約劉德華開設嘅電影公司,擔演過不少閒角及奸角,初期較為人所熟嘅分別有《黑社會》嘅「東莞仔」、《葉問》中嘅李釗及《寒戰》中嘅高級警司鄺智立,默默於電影中拼搏,最終憑《樹大招風》獲香港電影金像獎最佳男主角。家棟曾於訪問中表示,由電視演員走入電影圈,係因為一早認定演員是為自己嘅終身職業,不滿足於當時只於電視界打滾,希望不停增值,因此決定殺入電影圈,試多啲唔同角色,擺脫純情乖仔嘅形象。

明星成長 | 關心妍出道由當紅新人跌至零收入 低潮時做義工重獲唱歌力量

為行業打拚彌補年少時的不努力

不過當家棟獲得殊榮後,爸爸經已過咗生,無法親眼給爸爸見證自己嘅成功。家棟曾透露細細個時因一次考試獲得低分數,被爸爸痛打,令佢更加冇心機讀書 : 「明明合格都被打,我不服氣就更不想讀書」不過回望當初,家棟表示雖然當時媽媽認為只要佢開心就可以,但大個諗返都後悔自己冇好好讀書,唯有努力工作彌補之前嘅懶惰。長大後,雖然無法讓爸爸親眼目睹自己嘅成就,但媽媽得知家棟獲獎後,雖然第一反應係不聞不問,但事後便發現枕頭有封利是,對此感到十分開心。

明星成長 | 林嘉欣十多歲便從台灣獨自到港發展 誕女後曾有抑鬱傾向

家棟工作非常忙碌,曾忙到椎間盤突出,有時要喺公司坐足二十幾個鐘,更話 : 「咁多年來,我連食餐飯都未識得享受,有時都會想,將來老了我就可以慢慢享受啦,而且現在很多人70歲才退休,我還有排捱,我又不會覺得到時再想會遲,我份人比較樂天,有得做就做,不能擔心太多,我去到這個年紀,一定會見到很多生老病死,最重要是活在當下,我為人、為自己做過甚麼,或者我在身處的行業中做過甚麼,我滿足到就OK,我想在自己有能力的時候,做到自己滿意,在行業中對自己有交代,反而不太在意個人生活。」

圖片來源 : IG@katung.lam

對於做電影呢行,家棟表示而家多咗好多平台畀新人發揮,機會多咗,但卻坦言拍戲並不能一步登天,拍戲同其他行業一樣都要由低做起,基本功好重要,所以最緊要係操好把刀,更揚言唔少新導演入行要歷經十幾廿年先有機會拍第一部商業片。

 

 

相關文章:

明星成長 | 鍾雪瑩曾身兼多個創作身份 裸辭為提升自我修養成專業演員
明星成長 | 方東昇中學為辯論隊隊長 TVB打滾24年由實習記者做到節目主持
明星成長 | 陳法拉30歲跳出舒適圈 赴美國修讀戲劇碩士課程

明星成長-女演員-陳法拉