楊紫瓊憑《神奇女俠玩救宇宙》奪得金球場歌舞/喜劇電影最佳女主角,電影中武打演員出身嘅楊紫瓊,於戲中大展武打技藝之外,更配以盞鬼又真摯嘅情感演出,可謂一大突破及挑戰,獲得最佳女主角寶座絕對實至名歸!其實現實中嘅楊紫瓊,好打得嘅背後蘊含着精湛嘅舞蹈底子,從影多年曾因婚姻而息影,多年來歷劫辛酸,經歷過人生高低。
![](https://metroeducationplus.com.hk/wp-content/uploads/2023/01/2-4023-01-11-183915.png)
明星成長 | 欣宜克服負面評價及自我懷疑 奮鬥35年成功奪女歌手金
因脊椎受傷未能實現跳舞夢
選美獲冠加入影壇做武打影星
楊紫瓊生於馬來西亞,自小學習舞蹈,15歲時已到英國主修芭蕾舞,更獲得英國皇家舞蹈學院戲劇舞蹈專業學士學位,期間更有學習戲劇,不過楊紫瓊曾於訪問中坦言,學習戲劇係為咗幫助舞蹈演出,但中途因脊椎受傷被迫中止舞蹈發展,在此之前從來冇諗過要成為影視明星。
![](https://metroeducationplus.com.hk/wp-content/uploads/2022/05/楊紫瓊4-300x216.png)
圖片來源: michelleyeoh_official@IG
不過楊紫瓊從小就接觸不同影視作品片種,因媽媽非常熱愛電影,所以於各種因素下成就咗往後嘅演藝生涯。楊紫瓊1983年參加「馬來西亞小姐」選美比賽,取得冠軍,並因此而進入演藝圈,因擁有舞蹈底子,加上後天努力不斷練習,獲得多個武打電影嘅演出機會。
雖然看似事事順利,但過程其實歷盡不少辛酸,因拍攝武打場面需長時間練習,過程中不時受傷,休養期間曾萌生過放棄嘅念頭,但憑着堅持,最終完成拍攝,更逐漸被受不同嘅導演賞識,甚至進軍荷里活,當中最為人所熟嘅代表作有李安導演嘅作品《臥虎藏龍》,楊紫瓊憑此電影入圍台灣金馬獎最佳女主角、香港金像獎最佳女主角及英國電影學院獎最佳女主角。
明星成長 | 陳凱琳憑正面形象成功轉型為收入8位數KOL
當紅時遇上潘迪生結婚息影
因失去自我結束四年婚姻
除咗武打電影,後來楊紫瓊更稱為咗挑戰自我,帶畀觀眾更多新鮮感,參與一些感情演繹較重嘅作品如《昂山素姬》及《功夫熊貓2》配音工作,後來更有擔任監製工作及接觸美國電視劇演出,演藝生涯非常多元化,接觸範圍甚廣。
展開演藝生涯以後,楊紫瓊於事業當紅時遇上香港富豪潘迪生,彼此相愛並結婚,婚後更息影計劃全心全意以家庭為重,但婚姻只維持四年便告終,楊紫瓊曾於訪問中透露,由於婚後嘅生活過於單調平凡,亦因過於遷就對方而漸漸失去自我,同時更失去咗事業所來嘅滿足感,正因如此,最終還是決定返回影壇,與潘迪生結束多年來嘅感情。對此,楊紫瓊表示冇後悔過自己嘅選擇,復出以後,更演出多部話題之作如《我的超豪男友》及《尚氣與十環幫傳奇》,現更出演被稱本年度最佳電影嘅《神奇女俠玩救宇宙》。
![](https://metroeducationplus.com.hk/wp-content/uploads/2022/05/楊紫瓊-1-216x300.png)
圖片來源: michelleyeoh_official@IG
2022年8月楊紫瓊獲美國電影學會(AFI)頒發榮譽藝術學博士學位,成為首位亞洲獲得AFI榮譽學位嘅演員。今年現齡60歲嘅楊紫瓊將演藝事業再推上高峰,憑《神奇女俠玩救宇宙》奪得金球場歌舞/喜劇電影最佳女主角,成就非凡,於影藝界更上一層樓!
![](https://metroeducationplus.com.hk/wp-content/uploads/2022/05/楊紫瓊-231x300.png)
圖片來源: michelleyeoh_official@IG
![](https://metroeducationplus.com.hk/wp-content/uploads/2022/05/楊紫瓊5-225x300.png)
圖片來源: michelleyeoh_official@IG
楊紫瓊曾於訪問中提到,凡事從好嘅方面諗,唔會按照別人嘅時間表過活,更表示 : 「你的生活是你自己的,不需要跟別人一樣。」最重要係每個人都有自己該過嘅人生,捨去比較或會過得更幸福。
相關文章:
明星成長 | 保錡捱過低潮重拾方向 成ERROR第三人推出個人單曲《猥瑣》
![明星成長-ERROR-保錡](https://1283385405.rsc.cdn77.org/wp-content/uploads/2022/05/%E4%BF%9D%E9%8C%A1-1.jpg)