明星成長｜洪嘉豪讀演藝學院時建立音樂功架簽約後由零開始學習唱歌

有港版木村之稱嘅音樂唱作人洪嘉豪Kaho，現年30歲，為香港樂壇新一代嘅音樂人，性質與林家謙相似，同樣由幕後音樂人轉為幕前歌手。雖然洪嘉豪現已行出一條音樂路，但畢業於演藝學院嘅Kaho，曾於訪問中提及，入讀APA時先開始明白學生嘅讀書責任。

明星成長｜欣宜克服負面評價及自我懷疑奮鬥35年成功奪女歌手金

細個抗拒彈琴音樂熱情從APA燃起

圖片來源 : hungkaho@IG

Kaho父母喺琴行工作，因父母認為下一代應要接觸音樂，所以Kaho自三歲起便開始學彈琴，但成長於濃厚嘅音樂氛圍下，Kaho稱並冇因此而對音樂產生太大興趣，甚至抗拒彈琴及練琴。直到Kaho入讀演藝學院修讀聲音設計系，先真正對流行音樂產生認識，從而對音樂產生熱情，就讀期間學習作曲、編曲，為Kaho之後嘅音樂路打好根基，更學懂獨立打造一首歌曲嘅技巧。

明星成長｜梁釗峰憑一首作品讓父母接納星途

憑比賽入行三年磨練獲張敬軒點名大讚

畢業後Kaho成為音響工程師，更開始發表自己嘅歌曲，但當時嘅狀況，則形容為渾渾噩噩。後來膽粗粗報名參加「華納想識你」嘅一個歌手招募比賽，並遞交自己從前創作嘅音樂作品，結果脫穎而出，得到簽約嘅機會。不過，加入唱片公司後，Kaho先要到藝人與製作部實習及向其他同事學習，從零開始學唱歌，經過三年磨練，裝備自己，終獲歌手衛蘭賞識，擔任其紅館演唱會和音，期後再憑親自操刀嘅出道作 <<半天空檔>>獲得樂壇前輩張敬軒點名大讚。2018年，憑實力奪得樂壇新人獎。