明星成長｜王菀之從父母身上愛上音樂與創作

王菀之Ivana除咗係一位出色嘅音樂創作人，其實亦係一位藝術家，近年開辦咗首個裝置藝術展，出自Ivana手嘅音樂作品更有不少係圍繞藝術主題，如<<迷失藝術>>、<<畫兒>>及<<一定都和藝術有關>>等。Ivana 自小對藝術作品敏感，亦喜歡創作，其中一個觸發點更是來自於媽媽愛好寫詩嘅習慣。

明星成長｜欣宜克服負面評價及自我懷疑奮鬥35年成功奪女歌手金

受父母薰陶從小愛上創作

Ivana出身於音樂世家，自小已學習鋼琴，父母係業餘聲樂導師，每當父母演出時，都會為父母伴奏。雖然成長環境令Ivana從小難以避免接觸音樂，但Ivana卻是由心喜歡音樂，每日自發性花8小時練琴，更會不斷吸收新音樂知識，小時候更係香港兒童合唱團團員之一。

圖片來源 : wongyuenb@IG

除此之外，Ivana從小更有閱讀嘅習慣，童年時喜歡睇伊索寓言、童話故事等類型嘅書籍，父母亦會每晚臨瞓前與Ivana講故事，望住父母讀書時嘅樣子，令Ivana對閱讀及想像產生興趣，認為書本嘅世界承載着無限嘅可能。而且因為王媽媽有每天寫詩嘅習慣，Ivana六、七歲時便已養成閱讀詩歌嘅習慣，更因此而愛上文字創作，亦係Ivana對創作產生濃厚興趣嘅觸發點。Ivana曾於訪問中提到，家長係孩子成長時距離最近嘅學習對象，所以身教好重要。

明星成長｜梁釗峰憑一首作品讓父母接納星途

成名作誕生於大學暑假工時

圖片來源 : wongyuenb@IG

廣為人所熟兼為Ivana成名作品嘅<<我真的受傷了>>，其實係創作於大學時打暑期工期間嘅一個下雨天，當時Ivana做做下嘢抬頭望着窗外嘅雨水，隨心寫下<<我真的受傷了>>嘅幾句歌詞，後來更將歌詞完整地填寫，作品因此而誕生。後來喺同事嘅介紹下，Ivana認識到音樂監製伍仲衡，參加咗《CASH 流行曲創作大賽》並奪得冠軍，更獲得公司簽約嘅邀請，不過當時Ivana卻決定到加拿大大學讀經濟系，後來才返回香港正式入行。

Ivana 入行後，獲得多過音樂獎項，得到大眾肯定，後來更進入電影圈，參與電影拍攝，並獲得第34屆香港電影金像獎 <<最佳女配角>>，可見Ivana嘅藝術天分甚高，加上從小培養嘅藝術視野及創作習慣，讓Ivana喺多方面都能夠取得優秀嘅成就。