今次被救恩學校取錄嘅學生家長Iris，將會分享兩位仔仔入讀救恩學校嘅面試過程及教學模式，對此校有興趣嘅家長，萬勿錯過，立即聽Iris媽媽分享為仔仔準備面試嘅心路歷程！
救恩學校面試準備
Iris媽媽為咗令小朋友更熟悉校園，面試前與小朋友一同瀏覽學校網址，帶領小朋友略略掌握學校環境，並讓孩子認清校長嘅面相及相關資料，好讓孩子面試時能清楚講出校長嘅名字。另外，父母亦需為小朋友準備5版紙嘅portfolio，內容主要記載家庭生活點滴。家長亦需注意，學校面試一次定生死，並不設第2輪面試，家長應把握面試機會！
本地升學｜IB課程多元化 讓孩子享受學習
救恩學校面試內容
Iris媽媽嘅仔仔Ivan面試時間約95分鐘，面試內容主要係由面試官與小朋友一同砌LEGO、砌圖、聽故事答問題及辨識中英文句子。完成以上環節後，小朋友會被安排進入校長室與校長對談，全程無需家長參與。
救恩學校教學模式
Iris媽媽表示救恩學校着重個人演說及表達能力，因課程由教師自訂，內容多元化並生動有趣，相比起抄寫，更着重人與人之間嘅交流及實驗教學，更會讓小朋友與家長共同完成項目，當中牽涉到科學原理，家長需與孩子一同尋求解決問題。
更多關於救恩學校的分享，請留意「過來人分享 救恩學校下篇」
救恩學校
學校官網 : https://kauyan.edu.hk/primary/
地址 : 香港西營盤高街97B
學校性質 : 私立學校
學費 : 全年學費約 $61600
相關文章 :
本地升學｜如何用推薦信爭取小一學位 ?
本地升學｜國際學校面試三大貼士
