相信唔少父母都扮過 聖誕 老人,偷偷地送份 聖誕 禮物俾小朋友,但其實你嘅小朋友可能一早就已經識穿真相!美國一項調查發現,8歲或以上嘅小朋友已經唔再相信世上有「真.聖誕 老人」;而一項芬蘭調查亦顯示,有92.5%嘅父母認為8歲以下嘅小朋友先會相信有「聖誕 老人」。
8歲起開始建立認知能力
![](https://1283385405.rsc.cdn77.org/wp-content/uploads/2021/12/group-kids-sitting-with-santa-presents-christmas-eve-1024x683.jpg)
一位美國心理學教授Thalia Goldstein指,3至4歲係小朋友開始相信聖誕老人存在嘅初階段,4至8歲更係信仰最強嘅時候,但踏入8歲起,小朋友開始發展認知能力,懂得分辨「可能」同「不可能」,因此對聖誕老人存在嘅信仰漸漸減弱。
調查研究中,更收集咗8歲小朋友對聖誕老人嘅提問,發現佢哋唔會再問「你身邊隻精靈係咩嚟?」之類比較天真無邪嘅問題,反而更多係試探性嘅問題,如「你點解可以穿過煙囪?」同「你點知我乖唔乖?」。
重新發掘 聖誕 節的意義
當小朋友發現一切都不過係假像嘅時候,難免會感到失望。呢個時候,家長應該同小朋友從另一個角度搵出節日嘅意義,例如將 聖誕 老人象徵成為為人奉獻嘅精神,從而培養小朋友樂於助人嘅品德,從另一角度搵出聖誕節嘅意義。
![](https://metroeducationplus.com.hk/wp-content/uploads/2021/12/人仔_FB_211216-3-1024x538.png)