李佳芯（Ali）加入無綫 (TVB)前曾為有線電視主持及旅遊記者熱門選用模特兒，周遊列國拍攝不少相片及節目。直至2012年加入TVB成為演員，曾一度冇工開，一直等待演出機會。入行初期多做綜藝節目主持，終憑《BB來了》獲得無綫視后寶座。

周嘉洛憑27歲之齡於《萬千星輝頒獎典禮2022》奪得最受歡迎電視男角色獎，原來他自小學三年級已愛上戲劇，更連績三年奪得香港學校戲劇節「傑出演員獎」，曾到澳洲修讀戲劇，最後經由TVB藝員訓練班畢業並正式入行，演出《愛回家》處境劇至今，憑金城安一角深入民心。

江嘉敏近年活躍於電視劇拍攝，當年因模特兒入行，拍過鮮浪潮作品，早擁有演戲經驗。不過江嘉敏除咗有演戲天分，亦好有音樂天份，鋼琴、二胡、打鼓樣樣識，練得一身好技藝，更於名校嘉諾撒聖心學校畢業，果然係才女一名！

馬國明為TVB小生，通過無綫電視藝員訓練班入行，憑着《鐵馬尋橋》、《On Call 36小時》電視劇中嘅演出人氣急升，其後更憑《白色強人》獲得最佳男主角獎項。馬國明演技精湛人所共知，但其實同時都係高材生一名，喺加拿大名校英屬哥倫比亞大學畢業，並取得機械工程學士！

近年活躍於TVB不同電視節目嘅黃子桐，唔只身材外貌討好，而且更係學霸一名，受師姐朱千雪、麥明詩影響，堅持不為加入娛樂圈而與世界脫節，即使原本已為香港大學畢業行，入行後再半工讀進修，將兩年課程濃縮至一年完成，最終修畢整個香港中文大學碩士課程，才貌兼備！

近日TVB播放嘅《美麗戰場》，焦點除咗有陳瀅，仲有港姐冠軍陳曉華，入行僅四年即可登上主角之位，可見演藝前途一片光明，陳曉華喺劇中所飾演單純天真嘅林小美，其實戲外原本都係一個充滿愛心嘅護士，於中文大學護理系畢業，後來為咗跳出Comfort Zone 參選港姐更加入TVB成為女演員。

近日TVB播放嘅《美麗戰場》，由陳瀅擔正做女主角，飾演原本個性單純後因經歷而變得好勝重機心嘅鍾家寶，但其實現實陳瀅本身都係一個獨立堅強嘅女生，自小於加拿大讀書，大學畢業前已到香港發展模特兒事業，繼而成為演員，且更與好友創立品牌做生意，真係非常「打得」！

唔少香港小姐都曾經出國讀過書，有「東張女神」之稱嘅陳庭欣亦唔例外，中三時到英國讀書，大學讀曼徹斯特大學，回港後從事過獵頭工作及西裝專家，直至2010年選香港小姐奪冠後入行，由公屋出身，搖身一變已成為3000呎九肚山豪宅嘅住客。

《聲夢傳奇2》冠軍由任暟晴（Jasmine）奪得，而亞軍則由黃洛妍（Janees）奪得，本來大熱嘅趙紫諾（Sabrina）則奪得季軍。三甲雖然年紀輕輕，任暟晴及趙紫諾更僅分別只有16及14歲，卻分別擁有超強音樂背景，唔係小提琴或鋼琴演奏級，就係聲樂8級