最近不少直資學校開始面試，而一些名校小學面試每年都「爭崩頭」，相信家長們都想知道應該如何作準備，才能讓孩子突圍而出。今次為大家整合了五間熱門直資小學面試的程序，有興趣的家長一定要留意！

The post 24/25熱門直資小學面試整合 面試過程+奪分技巧+熱門題目 appeared first on 新城教育+.

為了讓子女能夠有更好的學習體驗，很多家長都不惜花大量時間鑽研各間直資名校小學的小一入學申請詳情和面試內容。升小專家Miss Emma大方分享多間熱門名校小學的面試題目、取錄偏好、面試貼士和準備功夫，供各位家長參考！

The post 24/25直資熱門名校小學面試總覽 最注重學生哪些特質+常見面試題目 appeared first on 新城教育+.

不少家長都希望孩子能入讀傳統名校，不過當真的入讀「神校」後的學習經歷是怎樣的呢？梁太的女兒已經於拔萃女小學就讀二年級，回想起當初面試時還正值疫情，面臨重重障礙，最後幸能入讀家長們心目中的「神校」。以下就由梁太同大家分享一些心得同點滴給有意報讀的家長參考。

The post 面試拔萃女小學需提交小朋友食飯片段 家長參與度先至係決勝關鍵？ appeared first on 新城教育+.

在一整年的小一入學面試，面試班導師Ms Emma認為有許多點滴都值得跟家長分享，從而以多角度準備小一面試。今次請來第二輪面試保良局蔡繼有學校（CKY）初被列為後備生的小朋友，後來以甚麼秘訣被取錄？大家必定要看今次的「過來人分享」了。

The post 面試保良局蔡繼有學校 後備「細B」點樣變正選？ appeared first on 新城教育+.

9月份莫太的兒子將會升讀英華小學，兒子能夠考入這所非常多家長心儀的小學，她最深刻是第二輪面試的圖書分享，以下由莫太分享一些點滴給有意報考該後的家長參考。

The post 英華小學取錄兩大原則 具備解難能力 良好親子關係 appeared first on 新城教育+.

相信有看過《全民造星III》，都應對這位細細粒但擁有超強活力的女生王嘉莉k.ELLY有印象。k.ELLY雖然身高只有148 cm，卻表演力十足，憑精湛唱歌及跳舞表演成功晉身《全民造星III》30強。k.ELLY參加比賽時，正正是她踏入大專生涯的第一年，學業與興趣需同時兼顧，究竟k.ELLY如何平衡兩方面的發展？今次k.ELLY將以DSE過來人身份分享當年放榜至參加造星的心路歷程。

想為DSE放榜升學做好部署？即睇 <<2022 DSE升學全攻略>>

小薯茄朱MIC專訪 (1) ｜DSE成績大公開 + 選科心得

自小受弟弟啟發愛上幼兒教育

王嘉莉k.ELLY現就讀香港浸會大學持續教育學院，幼兒教育學教育學士（榮譽）學位課程，被問到當年放榜心情，k.ELLY表示因當時對學業成績沒有太高要求，而且成績與預期差不多，因此心情並沒有太大起伏，收到結果後便立即與朋友商討如何選科。雖然如大眾所知k.ELLY熱愛唱歌跳舞，但其實內心亦對幼兒教育有很大興趣，除了自小喜歡小朋友，亦全因k.ELLY擁有一個經常與她吵架的弟弟。k.ELLY : 「我作為佢家姐，真係完全唔識指導弟弟，我會同佢嘈交，會話佢，但其實我唔想咁樣教佢，因為我都唔鍾意屋企人咁教我，但應該用咩方法呢？我覺得讀呢科應該幫到我。」而且k.ELLY亦從家人身上思考到教育的重要性，認為小朋友作為未來棟樑最需要的是得到良好的教育，可見k.ELLY在表演之外，亦有另一個更遠大的抱負。

中學參加學界比賽 獲主辦單位賞識簽約出道

雖然如此，但k.ELLY一直沒有放棄舞台表演的夢想，更坦言自小已愛在鏡前表演，在小學時受到K-pop影響而愛上唱歌跳舞，中學時更參加過形形式式才藝比賽，更曾於一場中學學屆比賽中，獲得主辦單位賞識，並邀請簽約加盟公司，擁有自己的經理人。直到考完DSE，更有出道作品《微風》，後來更受到公司鼓勵，報名參加《全民造星III》，過五關斬六成功晉身30強。雖然k.ELLY以148cm 受到矚目，但k.ELLY於舞台上發放的自信心卻有目共睹。k.ELLY能夠表現淡定，原來源於求學階段時累積的大量舞台經驗，透過不同比賽增加曝光力，更為了鍛鍊膽量及唱歌技巧，擔任學校的領詩。

相關文章 :
DSE放榜攻略｜ 因應性格訂立合適的減壓方法 尋找合適傾訴對象免得反效果
DSE放榜攻略｜ JUPAS選科選校策略 神科/水泡科/創意學科
DSE放榜攻略｜ 五大升學出路迷思大拆解

The post DSE放榜攻略｜王嘉莉Kelly自小愛對鏡唱歌跳舞 做學校領詩鍛鍊自信心 appeared first on 新城教育+.

DSE文憑試放榜在即，各位應屆考生未來想向哪方面發展？

小薯茄為代表的人氣網上短片製作團隊，近年來愈發走紅，拍網片成為不少年青人嘅愛好，亦有愈來愈多年青人加入網絡界成為Youtuber，因此我哋特意邀請咗《小薯茄》幕前成員之一「朱Mic」，分享當年DSE放榜嘅心路歷程，並就過來人身份將成功入行嘅貼士傳授俾各位應屆DSE考生！ 

朱MIC喺第一節訪問公開當年DSE考績，分享選科心得；第二節更大爆小薯茄招募全過程！嚟到最終章，朱Mic將會為大家大談入行後嘅難關，同時接受30秒嘅即興挑戰，立即去片！拉落啲仲可以睇埋文字足本版。

訪問Part 1傳送門
訪問Part 2傳送門

想為DSE放榜升學做好部署？即睇 <<2022 DSE升學全攻略>>

朱Mic訪問文字足本版

問 : 初入行時遇到咩困難 ?

朱Mic答 : 一開始加入小薯茄，個人唔夠放，比較驚，好多時收到劇本，都做得唔夠好，但最驚嘅係我知自己做得唔夠好，然後隔離啲人好Supportive，佢哋知你係啱啱做呢件事，覺得你做得唔好係情有可原，然後俾好多機會你，呢種心情好複雜，因為我好想變好，同時佢哋又好俾機會，有時會寧願你鬧我，都好似會容易啲過呢件事。

但而家慢慢做咗接近一年，開始慢慢明白小薯茄嘅片段節奏，知道我而家咁樣做，剪出嚟大約係咩感覺咩效果，慢慢就開始接納同習慣到。其實都係需要時間，同埋要知道側邊嘅人都係好人，知道佢哋一定會幫你，咁就會解決到自己好驚嘅嘢。

問 : 放榜至今，有迷失過嗎 ?

朱Mic答 : 我覺得主要係遇到一啲迷惘，例如我本身揀咗商科，但後來發現咗一個興趣係完全唔關商科事（即係拍片），我甚至會想將拍片變成工作，我會不斷追溯返究竟當初我選擇呢個學科時，有冇做到一個錯嘅決定。同埋當初自己拍Youtube時，都唔係發展得咁快，唔係超多人睇，冇乜Feedbacks，經常都會感到迷惘，懷疑自己係咪不斷做錯決定，會唔會一開始揀條好多人行過而且相對穩陣嘅路會容易啲成功，但後來我發現如果真係鍾意嗰樣嘢，你一定會搵到時間，及好多種方法去面對，做錯決其實冇所謂，因為每次做決定都會學到好多嘢，總會搵到方法表現自己。

問 : 感到迷惘時，如何應對 ?

朱Mic答：最緊要俾啲信心自己，喺呢個時代攬住一份熱血係好重要，鍾意就去做，唔好俾咁多嘢拉住自己。

想為DSE放榜升學做好部署？即睇 <<2022 DSE升學全攻略>>

問 : 如果想從事網絡創作，應該點做？

朱Mic答： 如果你揀科前，已經知自己對媒體製作或創意行業有興趣，我覺得係可以去讀，而且鼓勵你去讀，因為你好有興趣，好有火。但有可能好多人都比較似我咁，未必咁快搵到自己想要乜，未必咁快有決心選擇一啲相對上冇咁大路，或者俗啲講，一啲冇咁搵到食嘅嘢，但其實都唔緊要，我覺最緊要係擺多啲時間去學習同熟悉呢個範疇嘅嘢，例如我鍾意網絡，我就會去睇好多好多網絡片，去睇IG，睇一啲好短節奏，要你喺3-5秒就講到個Point嘅短片，例如你要熟悉你鍾意嘅嘢嘅文化，心態上要準備好自己。

同時技能上都要準備好，例如我自己一個搞Youtube，其實乜都要一腳踢，要熟Camera嘅操作、要知邊部機係咩時候有啲咩限制、燈光點樣打、剪片Software邊個好、加啲大字又要用After Effect，最後整封面圖又要用Photoshop，Skill Set 係一定要有，因為有時你可能會好有諗法，好多好Creative嘅Idea覺得好爆，但如果你嘅Skill Set都唔夠支援你，就好難Present到一啲咁好嘅Idea俾人睇。所以即使你讀唔讀相關學科都好，最緊要就係Keep住令自己進步，尤其網絡呢啲嘢變得太快，可能你2-3星期冇睇類似嘅嘢，你已經Out咗。所以我覺得如果你真係想投身創意行業，你一定要Keep住Update呢個範疇嘅嘢，俾一啲動力自己去熟悉相關嘅操作。

想為DSE放榜升學做好部署？即睇 <<2022 DSE升學全攻略>>

問 : 最想對DSE考生說的話

朱Mic答：我中學畢業咗幾年，覺得其實DSE係一件好小嘅事，但我好明白（你哋嘅心情），因為我中六嗰陣都覺得好驚，咁而家你哋全部都考完，其實就更加唔使驚，因為DSE真係人生中一個好小嘅Check Point，最緊要係你要搵到自己想做乜，但我都相信有唔少部分嘅人係仲未搵到，但係唔緊要，我覺得你要好善用嚟緊嘅2-4年，去搵你嘅興趣，或你想嘅工作範疇，嚟緊嘅2-4年好關鍵，因為中學畢業後有一個階段可以俾你去探索多啲，所以就算你而家仲盲中中，仲未有好明確嘅方向都唔使驚。

如果你真係好想做創意類、媒體類或者網絡類嘅嘢，真係要做返我頭先所講，緊記要Update自己同埋要裝備自己，因為我相信如果你有興趣你就會有火，你有火就會好有恆心去做好！

問 : 用一句話總結，DSE對你嚟講算什麼 ?

朱Mic答： DSE喺成長階段，好多人以為係一個結束，但其實佢係一個起點

想好似朱Mic咁將興趣變成職業？咁就要盡早為放榜選科作出部署！<<DSE放榜升學全攻略 家長學生天書2022>> 有升學專家為你拆解選科迷思，教你聯招改選策略，更附上香港各大院校嘅科目收生要求！電子書現已上架，立即按此瀏覽！

相關文章
小薯茄朱MIC專訪 (1) ｜DSE成績大公開 + 選科心得
小薯茄朱MIC專訪 (2) ｜大爆招募全過程及成功原因

The post 小薯茄朱MIC專訪 (３) ｜大談入行心得及難關＋即興挑戰 appeared first on 新城教育+.

Melody Tam 是一位擁有10萬訂閱嘅Youtuber，同時更任職大型美資投行的投資銀行部分析師，當年DSE取得7科5**佳績，別人眼裡應該擁有一帆風順的人生。然而Melody曾因放榜前沒有做足準備而選錯科，最後更要Quit U Rejupas！DSE考試已經結束，接下來便要做足放榜準備，今次Melody將分享放榜至今的心路歷程及改選心得，更自言希望透過自己「反面教材」的真實經歷讓大家引以為鑑！

想為DSE放榜升學做好部署？即睇 <<2022 DSE升學全攻略>>

小薯茄朱MIC專訪 (1) ｜DSE成績大公開 + 選科心得

放榜成績比預期更好
24小時改選揀錯科 終要空窗一年Rejupas

Melody就讀中學時，校內成績經已名列前茅，未放榜前已預算可取得6科5**及1科5*的成績，結果卻比想像中更高，取得7科5**的佳績！Melody稱由於自初中起已對工商管理學士（環球商業管理）（Global Business）感興趣，所以早已將此科放在聯招BAND A位置，放榜前亦沒有任何計劃，一直抱住「到時先算」的心態。正因為放榜前沒有想清楚，當取得7科5**的佳績後，身邊的人包括家人及朋友，均建議她將工商管理學士（環球商業管理）改選為法學學士學位 （Bachelor of Laws），由於改選時間只有黃金24小時，當刻Melody無法反應過來，便接受了其他人的建議，將科目改成法學學士學位，但此決定卻令Melody非常後悔。Melody稱 : 「其實我從來都冇諗過做律師」開學後，Melody更加確定自己完全不適合讀Law，於是便把心一橫退學並決定Rejupas，一年後重新報讀Global Business。

由於Rejupas必需要Quit U，並不容許內部轉科同時Rejupas，因此Melody作出決定前亦尋求過不同人士的建議，在慎重考慮下才作出Quit U的決定。由於Quit U後將會空置一年的時間，Melody作為過來人，提醒各位考生放榜前必需先做好兩手準備，免得行錯冤枉路，而Rejupas亦不能保証申請者必定能成功報讀心儀科目，因此尤其分數位於邊緣的考生，作出此決定前更應三思。

想為DSE放榜升學做好部署？即睇 <<2022 DSE升學全攻略>>

小薯茄朱MIC專訪 (1) ｜DSE成績大公開 + 選科心得

參加課外活動是大學生活最難適應的地方

一年後Melody成功入讀香港中文大學的工商管理學士（環球商業管理），對於被外界封為「神科」的學科，Melody表示實際並無外號想像的難應付，學科有八成時間與普通商科的學生一同上課，唯獨是某些課程會採取小班教學，而且提供兩次強制性的出國交流體驗。

Melody更稱大學的課外活動比學術方面較難適應，例如作為Global Business的學生，大部分都會參加多個商業案例分析比賽以累積經驗，比賽要求同學於24小時內完成一份商業個案分析報告並向教授展現解說。Melody稱高峰期一年試過總共參加了10個這類型的比賽，當中有的更要出國參賽，讀書時間少，進行課外活動的時間多。其次，作為商科學生更必要取得一定的實習時數，Melody表示每年暑假都會因此而犧牲。不過雖然課外活動多令Melody的大學生涯變得十分忙碌，但卻非常充實，Melody認為這些經歷可令她於短時間內吸收很多，亦變得敢於在眾人面對說話，除了訓練自己的各種能力，此履歷對往後搵工及搵實習均有莫大的幫助。

大學不能錯過Exchange
拍片及投行工作雙線發展

講到大學生活必做的事，很多人或會答「談戀愛」、「上莊」或「住Hall」，而Melody則想也不想便說：「去Exchange！」去過丹麥及美國實習的Melody表示，這兩趟旅程讓她大開眼界，體現到歐洲與香港的文化及思想差異，並欣賞歐洲人靈活的思考方式及無分職業高低的開放思維，這些見識均能讓Melody往後作出決定時有着很大的影響及幫助。

雖然用了一年時間Rejupas，但Melody表示這一年間反而令她得着很多，並在這一年間發挖到一項新興趣。Melody稱當時拍片是為了解答別人向自己請教的讀書心得，得到不少觀眾歡迎是意料之外。於是Melody便於Rejupas的一年間，不斷拍片並經營Youtube Channel。而這習慣，即使在Melody大學的忙碌生活中依然維持着，仍然保持每星期發佈兩條新影片的規律。

畢業後Melody任職大型美資投行的投資銀行部分析師，工作非常忙碌，天天朝9晚3，甚至乎星期六日亦要加班工作，每星期平均工作100個小時，平均每天只有6個小時休息，當中更包括剪片拍片。對事情沒有一定程度的熱愛，根本不可能有這種堅持。當問到Melody喜歡拍片還是做投行更多時，Melody猶豫了一會，便答「拍片」，雖然是一腳踢，但從中讓她學會了說話技巧及拍片技巧。但同時Melody表示雖然投行工作較枯燥，但這項工作是自己在初中定下來的目標，依然想一步一步將夢想達到，而且在大型銀行能接觸很多工作能力非常高的同事，及不少上市公司的CEO或CFO，令她擴闊視野，Melody坦言 : 「除咗做呢行有唔錯嘅收入，我呢個年紀就可以接觸到商場打滾得好成功嘅人，呢啲機會未必可以喺第2度搵到。」

想為DSE放榜升學做好部署？即睇 <<2022 DSE升學全攻略>>

小薯茄朱MIC專訪 (1) ｜DSE成績大公開 + 選科心得

對DSE考生的寄語

驟眼看，Melody當年的DSE成績讓人覺得可以喺社會「打橫行」，但就算揸住張好牌，都要懂得把握才可以為自己打出一副麗亮的局，Melody為了達到目標，不惜放棄休息時間，也堅持拍片投行工作兩邊走，完全體現了成功必需付出的堅毅精神。最後Melody對DSE考生作出以下寄語 : 「我好難想像自己係呢兩年嘅學生，因為疫情令學習上出現好大嘅困難，如果係我亦會好驚考試之前或期間確診，多咗好多考試外仲要憂心嘅因素，所以你可以盡自己能力完成考試已經係一件好叻嘅事，雖然好似好老土，但其實過咗5年後望返轉頭，DSE只係一件好小好小嘅事。無可否認DSE係一個好公平嘅機會俾考生爭取想入嘅科，甚至有啲人可透過呢場考試喺SOCIAL NETWORK 再爬上一級，係一個付出努力就有收穫嘅制度。但就算真係考衰咗，而家都算係一個好幸運嘅年代，出路多咗好多。 就當DSE呢次經驗係為自己尋找真正嘅興趣，係一個警示作用。但考得好嘅都唔好一路睇返自己嘅成績，上到大學仍然有好多苦惱去面對，仲要為求職做準備，唔好因為一次考試阻住自己繼續向前行。」

唔想放咗榜先嚟手忙腳亂？咁就要盡早為放榜選科作出部署！<<DSE放榜升學全攻略 家長學生天書2022>> 有升學專家為你拆解選科迷思，教你聯招改選策略，更附上香港各大院校嘅科目收生要求！電子書現已上架，立即按此瀏覽！

Melody為香港公開考試（HKDSE ）7科5**狀元（全港首0.01%），同時在17歲時第一次應考雅思（IELTS）便取得滿分9分成績。Melody在香港中文大學修讀環球商業學 （Global Business Studies）期間創立了教育型YouTube頻道（“Melody Tam”），擁有逾越9萬名訂閱者及累計逾650萬觀看次數。Melody也建立了線上補習平台 www.mteducationhk.com 及 www.mteducationielts.com，以系統化方式教授DSE各科目及IELTS英文。Melody大學期間曾於多家金融機構及投資銀行實習，現任職大型美資投行的投資銀行部分析師（Investment Banking Analyst）。

相關文章 :
DSE放榜攻略｜ 因應性格訂立合適的減壓方法 尋找合適傾訴對象免得反效果
DSE放榜攻略｜ JUPAS選科選校策略 神科/水泡科/創意學科
DSE放榜攻略｜ 五大升學出路迷思大拆解

The post DSE放榜攻略｜7科5**狀元揀錯科REJUPAS 拍片兼投行分析師雙線發展 appeared first on 新城教育+.

DSE文憑試放榜在即，各位應屆考生未來想向哪方面發展？

小薯茄為代表的人氣網上短片製作團隊，近年來愈發走紅，拍網片成為不少年青人嘅愛好，亦有愈來愈多年青人加入網絡界成為Youtuber，因此我哋特意邀請咗《小薯茄》幕前成員之一「朱Mic」，分享當年DSE放榜嘅心路歷程，並就過來人身份將成功入行嘅貼士傳授俾各位應屆DSE考生！ 

朱Mic今集將為大家首度公開小薯茄招募全過程及被選中原因，立即去片！拉落啲仲可以睇埋文字足本版。

想知朱MIC當年放榜成績？即刻重溫Part 1！

朱Mic訪問文字足本版

問：小薯茄招募過程有幾長？

答：整個過程差唔多要7個月，都算係一個幾長嘅時間，因為嗰陣係2021年嘅1月，即係我Year 4嘅SEM尾，即將進入最後一個SEM，當時見到小薯茄招募，我就Send自己嘅profoilo，報咗名先，過咗兩個月我先收到通知話有First Round Interview，其實我本身以為自己已經俾人Screen走咗，但結果冇俾人Screen走，都覺得幾好彩。

問 : 整過招募過程係點進行？

答：第一次去到面試，好簡單咁講下自己嘅information，講下點解自己想加入小薯茄，仲有一個小小嘅試鏡，係一個小薯茄好典型對住鏡頭講嘢嘅系列，例如係之前童童拍過對住鏡頭講自己係一個好矮嘅女仔，試一試嗰種劇本，係獨腳嘅，基本上第一次嘅試鏡就係咁。

然後好似又過咗兩個月，又係一個好長嘅時候，感覺上每一次都以為自己會俾人Screen走咗咁。然後經理人KIKO好好咁打俾我話： 『唔好意思呀，我哋搞緊市集，我哋好忙，但想同你講，你有Second Round啦，但你要等我一陣』成件事好得意，佢好似俾一個安心我咁。

然後第2次面試，佢哋就再問我一啲更深入嘅問題，例如係如果我真係入到，具體地我會點樣做，我會想達到咩成就…同我傾後續少少嘅嘢。同埋都有試鏡嘅部分，搵咗阿J陪我Cast一個有對戲嘅劇本，我哋互相換咗角色一次，呢個就係第2次嘅Casting。第2次我都幾驚，因為我同人對戲嘅經驗少，完咗Casting我都覺得自己有好多地方做得唔夠好，覺得如果早啲知個劇本我一定會做得好啲，好多呢種諗法…

想知朱MIC當年放榜成績？即刻重溫Part 1！

但最後都係平常心，如果真係有下次機會，我一定會做得更好。然後再接到通知有第三次，嗰陣其實由1月交Form去到第3次已經係6月，心諗其實Total會有幾多次呢？但佢哋就同我講第3次唔係好使準備，我上嚟就可以。我上去時，都心諗佢哋會唔會又問我問題，但我該準備嘅嘢應該都準備咗啦喎，我唔知仲有咩可以答佢喎… 

最後上到去都好得意，老世高Ling坐咗喺度，個Setting完全同之前唔同晒！之前係一啲interview嘅Setting，好Formal，就係你坐喺度，然後3個interviewer望住你，然後第3次係坐喺張飯枱度，佢哋喺度食飯，問我食咗嘢未，我話食咗，但其實我未食，但我好驚，所以話食咗

然後佢就透露話佢哋已經揀咗我，嗰陣其實我好唔敢相信。佢用一個好平淡嘅方式，同你食餐飯傾下偈，話： 『你嚟緊就係咁架啦』之後再約下嚟緊點樣簽啲嘢，嚟緊點樣實行呢件事。我都好似係第一次公開成個過程，呢個就係我加入小薯茄嘅過程。

問 : 知唔知有幾多個競爭對手？

答：大約好似係一千個人

問 : 參加小薯茄招募前做咗咩準備 ？

答：我本身都做咗好多準備，因為我本身有拍Youtube，但我好少拍一啲搞笑嘅製作，我多數拍Vlog，拍下啲 jump cover去紀錄一下自己嘅生活，但我就覺得咁短時間我都好難表現到自己幽默嗰一Part，咁不如我喺profoilo嘅自我介紹片段上Show多啲我識嘅嘢，例如我show自己識打鼓、識彈結他，盡量Show到愈多愈好，盡量令佢哋記得我，我希望盡量喺profoilo度Show到自己嘅特質，呢個係我做嘅準備

問 : 被小薯茄揀中嘅原因係？

答：最後成功咗，我都有諗過會唔會係我啲演藝都幾好，唔通佢又覺得我搞笑？但原來唔係，高Ling話佢見到我有啲特質，見到我有對網絡嘅觸覺，但未夠強，仲需要調整。可能咁講，佢覺得我可能有潛力調整做一位適合喺網絡出現嘅人

想知朱MIC當年放榜成績？即刻重溫Part 1！

朱Mic答專訪共有三集，同大家分享佢演藝路上嘅故事，繼續留意我哋頻道，其他精彩內容即將上架！

想好似朱Mic咁將興趣變成職業？咁就要盡早為放榜選科作出部署！<<DSE放榜升學全攻略 家長學生天書2022>> 有升學專家為你拆解選科迷思，教你聯招改選策略，更附上香港各大院校嘅科目收生要求！電子書將於7月1日正式上架，敬請期待 ！按此率先預覽DSE放榜攻略 

The post 小薯茄朱MIC專訪 (2) ｜大爆招募全過程及成功原因 appeared first on 新城教育+.

DSE文憑試放榜在即，各位應屆考生未來想向哪方面發展？

小薯茄為代表的人氣網上短片製作團隊，近年來愈發走紅，拍網片成為不少年青人嘅愛好，亦有愈來愈多年青人加入網絡界成為Youtuber，因此我哋特意邀請咗《小薯茄》幕前成員之一「朱Mic」，分享當年DSE放榜嘅心路歷程，並就過來人身份將成功入行嘅貼士傳授俾各位應屆DSE考生！ 

朱Mic今次率先為大家公開當年DSE考試成績及加入小薯茄嘅原因，立即去片！拉落啲仲可以睇埋文字足本版。

想知小薯茄招募全過程？即睇Part 2！

朱Mic訪問文字足本版

問 : 當年放榜心情係 ?

朱Mic答 : 自己Expect考得比較差，Best 5 可能得十三十四分左右，但出到嚟有二十分，分數比預期中好，當其實二十分係一個好中間，有少少尷尬嘅分數，所以當時攞到呢個分都覺得有啲迷惘，就諗我究竟要Retake定係報Jupas，咁最後我就選擇咗報Jupas

問 : 點解當初會揀咗讀工商管理學系(BBA)  ?

朱Mic答 : 因為我中學嗰時有讀BAFS，覺得與ECON相關嘅嘢幾得意，本身有啲興趣所有就揀咗呢一科，第二就係睇成績，因為當時我BAFS成績都Okay，讀得都算上手同快，所以我就揀咗呢一科。就算大家揀學校或揀科，我覺得最緊要都係睇興趣先，因為如果冇興趣好難讀得好。

問 : 幾時開始鍾意拍片 ? 

朱Mic答: 中六畢業之後去咗一個Grad Trip，當時嘗試拍低自己去旅行嘅過程，然後發現原來紀錄生活呢件事都幾得意，然後去到大學Year 1就開咗個Youtube Channel，嘗試自己營運，發現我對拍片都幾有興趣，變咗一個新嘅興趣，因為自己本身鍾意打鼓，不嬲都淨係讀下書打下鼓比較普通，有咗呢個興趣之後，做多咗呢樣嘢，探索多咗，見嘅嘢都多咗。

想知小薯茄招募全過程？即睇Part 2！

問 : 讀大學時有咩規劃 ? 

朱Mic答: 嗰陣都有少少Lost，因為自己讀緊嘅嘢同想做緊嘅嘢有少少唔同，例如我讀緊Business，但我想做Media同網絡相關嘅嘢，當時都有少少Lost，諗自己有冇做錯決定，但最後我都係好簡單Set咗個Goal俾自己，如果我畢咗業兩三年嘅時間，我會好努力做關於網絡嘅嘢，會好努力拍Youtube，咁如果冇乜成績先返去做返商科嘅嘢，但好好彩地喺臨畢業前參加咗小薯茄嘅幕前招募，最後成功咗，而小薯茄都俾咗一個平台俾我發展自己嘅興趣。

問 : 點解後來會加入小薯茄 ? 

朱Mic答: Year 1就開咗個Youtube Channel，嘗試過拍好多唔同類型嘅嘢，例如Vlog、綜藝等，接觸咗好多唔同嘅器材，發現咗自己好有興趣。小薯茄係我一個睇開嘅Channel，我好Buy佢哋嘅Concept，小薯茄影片節奏好快，片長比較短，有時會因為一個劇情反轉，好容易就出到嗰件事。呢個咁快嘅節奏同咁幽默嘅方式，感覺非常網絡，我好鍾意呢個方式，所以想加入小薯茄。另外因為小薯茄規模大，入到嚟都俾咗好多機會我去學習及展演自己，所以當知道小薯茄有幕前招募就好快去參加。

朱Mic答專訪共有三集，同大家分享佢演藝路上嘅故事，繼續留意我哋頻道，其他精彩內容即將上架！

想好似朱Mic咁將興趣變成職業？咁就要盡早為放榜選科作出部署！<<DSE放榜升學全攻略 家長學生天書2022>> 有升學專家為你拆解選科迷思，教你聯招改選策略，更附上香港各大院校嘅科目收生要求！電子書將於7月1日正式上架，敬請期待 ！按此率先預覽DSE放榜攻略 

The post 小薯茄朱MIC專訪 (1) ｜DSE成績大公開 + 選科心得 appeared first on 新城教育+.