周國賢 Endy除咗音樂，更有參與電影拍攝，近年更憑香港電影導演會年度頒獎典禮頒發「最佳男主角」，如果有留意Endy嘅動態，更會知道Endy畫功相當了得，可見其藝術天分。不過於娛樂圈打滾多年，Endy曾因情緒問題暫停工作兩年。

作為童星出身嘅男藝人張繼聰，富有音樂才華，同時又有演員特質，廿七歲已成為爸爸，身兼多職。事業初起步時，因與太太謝安琪結婚並形成比較，令其陷入人生低潮，期間一度患上抑鬱。幸得後來諗通，並由歌手轉型演員，谷底反彈，重拾信心。

有港版木村之稱嘅音樂唱作人洪嘉豪Kaho，現年30歲，為香港樂壇新一代嘅音樂人，性質與林家謙相似，同樣由幕後音樂人轉為幕前歌手。雖然洪嘉豪現已行出一條音樂路，但畢業於演藝學院嘅Kaho，曾於訪問中提及，入讀APA時先開始明白學生嘅讀書責任。

張敬軒2002年來港發展，更取得驕人成績，一度獲得香港流行音樂業內多個認受性最高之獎項殊榮。張敬軒雖然唱功了得，但其實並非天生便擁有一把好聲音，需靠後天不停練習。張敬軒對音樂嘅追求，更受英國倫敦學院認可，於2017年獲得學院頒發榮譽音樂碩士。

身為牙醫又係歌手嘅許廷鏗Alfred曾就讀聖約瑟書院及德瑞國際學校，更完成香港大學牙醫學士學位，取得牙醫執照。2009年毅然參加第一屆《超級巨聲》並正式出道。直至今日，Alfred除咗成為人氣男歌手，更擔任社會上另一身份—牙醫，遊走夢想與現實。

林家謙未正式成為幕前歌手時，已為不少當紅歌手做幕後音樂製作，正式以個人身份出道後，更為自己嘅音樂包辦曲詞編監，而其音樂才華其實早見於讀書時期嘅一一場歌唱比賽中。