Web Interstitial Ad Example

明星成長 | 張天賦 參加選秀追夢全因唔想俾人「睇死」

26-04-2022
MC

憑《全民造星II》出道嘅MC張天賦,作為2021-2022年度樂壇新人,成績非常出色,熱播歌如 <<反對無效>>、<<時候不早>>、<<記憶棉>> 喺網上嘅點擊率相當高,近日更推出有別於以往一貫曲風嘅<<小心地滑>>,而MC當初參加音樂比賽嘅動力,原來係源於父親嘅鼓勵!

明星成長 |林奕匡加拿大留學靠一招學中文

 

圖片來源 : IG@mcheung1201


父親無條件支持 為證明自己認真追夢

MC曾於《全民造星II》中談及自己讀書成績不佳,家庭由富裕變家道中落,稱當時父親決定送自己到加拿大讀書,但母親反對,自覺間接導致父母離婚收場,甚感自責。面對前途,母親希望MC搵返正職,唯獨父親經常鼓勵MC認真對待自己嘅夢想,做自己鍾意做嘅嘢,無需理別人目光,同時面對親朋戚友獲得優秀嘅學業成績,MC更決心透過行動證明自己以報答父親,於是便去參加《全民造星II》,而且參賽目標非常明確,就係盡情練習並發揮,取得好成績唔好畀其他人睇死,最終亦如願以大熱姿態獲得亞軍!

明星成長 | 林日曦輟學兩大得益 由廢青變上市公司董事


遺憾無法抽更多時間陪伴父親

圖片來源 : IG@mcheung1201

不過MC表示,原來參賽期間,父親患癌並臥病在床,MC直到晉身20強先同父親講參加咗選秀比賽,而當時父親已病重並無法說話,只能透過書寫表演心聲,更寫下「我好愛你,我以你為榮」嘅心聲,豎起拇指稱讚MC,MC嘅實力同努力實在有目共睹,遺憾係父親在生時冇花更多時間陪伴在旁,但相信父親見到MC而家嘅成功定必倍感安慰!

 

明星成長 | 林欣彤畢業前為夢想一搏 成名後憑一個座右銘走過低潮

 

相關文章:

明星成長 | 梁釗峰憑一首作品讓父母接納星途
明星成長 | 林家謙大專比賽時被一位歌手賞識 從此開啟音樂之路
明星成長-林家謙