無論你係高階、中階或者平庸的學生，做 筆記 係每個學生必經嘅過程，究竟點樣做先至係一份「最好」嘅筆記？
資深教育家龐永欣校長曾指出:「某題目是否「新穎」，其實並不取決於題目本身，而是學生的經歷。例如，該題目已用過作例題，或在習作裏操練過，對學生來說就不再「新穎」，亦不再是「應用」題了…香港學校追求分數的弊端之一，老師都拚命找題目、估考題，讓那些本來真可測試「高階思維」的題目，統統都變成低等的背誦題。」(見明報28-02- 2019 << Bloom的分類法>>一文）筆者絕對認同龐氏所言，但本文旨在從考試角度以資深教育家韓孝述校長2016年的文章作中軸，加以前考評局高層及5**狀元的心得作為參考，幫助學生以「最有效益」的做筆記方法取得佳績。
第一法則：筆記主要由學生做。
2015 年皇仁書院狀元張滌豐表示:「我會重複溫syllabus，溫一次只係短暫記憶，如果要化為長期記憶就要不斷翻睇。中文、英文同通識科都會寫筆記，抄低一啲名句、佳句睇吓作文時用唔用得着，另外記低一啲有爭議性或者有價值嘅新聞，對通識考卷有幫助。」；7科5**狀元譚樂敏表示: 「溫書除了寫筆記，更狂操20年past paper！」；狀元郭俊勤表示:「我養成寫筆記嘅習慣，除咗英文同數學科老師會俾筆記，其他科我都會自己做筆記，尤其係理科，消化完內容再做筆記，記憶會深刻啲。點都要做past paper熟習題型，做咗十幾年。」(見東方新地03-08-2015《尖子有方》一文）
香港通識教育教師聯會主席許承恩在2013年時表示:「其實睇返舊年攞5**成績嘅同學，都會自己做筆記，齋睇筆記唔做個人分析，係無可能攞到高分。」(見東方新地14-01-2013《SUN驚奇：專家：重分析力不靠死背- 太陽報》一文）
上面引述的說話，大家應該歸納到「筆記是自製的」。
在網上(Instagram)不時見到不同名師嘅筆記或者狀元嘅筆記可供買賣（筆者亦多次見到有人出售自己嘅筆記），同學誤以為僅僅拿到別人的筆記作溫習，成績便會突飛猛進，此乃一個謬誤。背後原因很簡單，沒有經過同學本身的思考或分析，那些所謂「學習重點」根本難以內化，化為長期記憶在考試時應用。
(以上文章內容，純屬專家個人意見，與本台/ 網站立場無關。)
