上次Mingson Sir分享最近讀緊一個 生涯發展 證書的課程，提出了三點反思，這歙就分享餘下三點吧!
4. 忽視健康
有讀通識「公共衛生」嘅同學都知道，健康係包括三個方面。（生理、心理，社交）有冇優質睡眠？有冇恆常運動？有冇宗教信仰幫你舒緩壓力？有冇一班好友與你共同進退？有冇生命中嘅導師與你同行？以上唔單只係問同學，我都經常問自己：「我有冇？」
有冇留意香港富豪李嘉誠博士？報紙報道佢晨早流流就會起身打哥爾夫球同拉筋。我個人非常喜歡的心理學家余德淳博士，每天五點起床，亦有恆常游泳嘅習慣。我自己無論幾忙，必定保持一個禮拜三次嘅跑步或其他有氧運動。作為老師嘅我，我當然要以身作則。
巨著《The seven habits of highly effective person》講過，要「sharpen your saw亅，做事必須要搵到好方法同工具！ 健康嘅體魄和清晰嘅頭腦絕對可以提升一個人嘅工作效率!
5. 做自己不喜歡的工作
工作至少佔你人生三份一的時間，我真係未見過在各領域頂尖人物唔鐘意自己份工。蘋果教父，大陸ATM(Alibaba, Tencent, Meituan) 全部老闆都對自己的事業有極大熱誠。當然，面對公開考試的學生盡量喜歡你學習的科目。例如，升高中時選擇你喜歡的選修科(可以從學校的師兄師姐口中知道那些科目的老師又懂班級經營又懂教學) 。
講番近嘅例子，我有個中學師兄，兩年時間跑到10km 33分兼得到某美國的著名運動品牌贊助。廣告話每個人都run for a reason, 佢既reason 係「自我價值實現」(Self Actualization)！佢最crazy 係每週跑過80 km!! 是80km!!….Mingson Sir一個月都跑唔到la…所以少一份堅持又點得？而堅持的前提係「你鐘意！」古語有云：「知知者不如好之者，好知者不如樂之者。」
我有個舊生大學畢業後每年都在搵自己想做的工作，不斷轉工，畢業幾年仍然未在事業有突破！繼續讀書又話要睇成本效益。我同佢講：「你同我再講多一次相同問題好啦！未搵到鐘意的工作時請多閱讀！少同別人比較！各有前因莫羡人！用空餘時間建立自己真正有興趣的野，插花又得、整餅又得，書法又得！」（喂阿哥，整餅你知幾貴Ma？）年青人，嘗試好重要，你會發覺世界很大。毛主席有言：「世界是我們的，也是你們的，最終也是你們的！」
6. 短視
你認為結果定過程重要？大部分青年人認為結果重要！但只重結果會令你變成急功近利，股票追求短炒，工作追求極快晉升，Sales 追求業績不求服務提升別人價值（value adding)。
過程重要在於你可以檢討及推出一套再複製的系統，確保下次成功的機會! (Mingson Sir之前同學生分享《做筆記的三個關鍵》一文，也希望學生確保下次也可以考試成功) 學習如是，工作如是，生意投資也如是！
點解咁多中六合彩的人中獎後幾年生活比中奬前仲差？因為佢地唔識駕馭比佢能力多的「錢」，無「過程」去創富，只有「結果」，死路一條！我自己好好彩早在大學時搵到自己喜歡的教學，又好好彩早早就有正確投資理財的態度。經歷私人補習被「彈鐘」、45人大班房上課得三個學生，被上司認為教學太過單向傳授。最終歸納了自己一套「有效」的「教學心得」；投資經歷過身家跌半成、被人追margin 、太早沽出升10倍的股票，買了一層唔識升值的樓。最終歸納一套相對係全天候的投資組合。（當然在教學及投資依舊如履薄冰，步步為營地學習）
文首問：「人生有冇得規劃？」Mingson sir 簡單認為:「規劃咗唔係無敵，但冇規劃就輸面大！」希望我的六點可以使你們受益!
(以上文章內容，純屬專家個人意見，與本台/ 網站立場無關。)
【Mingson Sir分享】 生涯發展 ｜如果我18歲…我不會.. （上集）
