香港愈來愈重視創新科技,小朋友係未來創科人才「創新科技嘉年華2023」將於10月28日起一連9日喺香港科學園舉行,將有38個攤位、約150場唔同主題創科工作坊、約35場網上講座等,提升大家對創科認識,啓發年輕一代對STEM嘅興趣,所有活動仲要免費,絕對係邊玩邊學嘅親子好去處。
![好去處-創新科技-嘉年華-工作坊-講座-攤位-親子活動1](https://1283385405.rsc.cdn77.org/wp-content/uploads/2023/10/-1-41.jpg)
開心體驗綠色科技
創新科技署主辦嘅「創新科技嘉年華2023」將於10月28日至11月5日舉行,係「開心香港」響應活動之一。今年以「智慧生活 綠色科技」為主題,設有一系列與創科有關嘅互動和教育活動,包括本地發明及研究成果展覽、工作坊、互動遊戲,以及網上講座等,
4大精彩活動
1.創新科技工作坊
![好去處-創新科技-嘉年華-工作坊-講座-攤位-親子活動4](https://1283385405.rsc.cdn77.org/wp-content/uploads/2023/10/-4-5-1024x683.jpg)
適合小朋友、青少年及家庭參加,培育創意,讓參加者親身體驗創新科技嘅樂趣。實體工作坊包括小小工程師動手做:齒輪小車、發光護目鏡、野外求生指南、拆解陀飛輪等等。
週末好去處 |環保概念之旅免費遊 4D電影+玩AR/VR遊戲+導覽
2.展覽及遊戲
約40個活動夥伴,包括大學、研發中心、政府部門和機構,透過展館或攤位,展出極具代表性嘅創新科技發明及科研成果,俾大家感受「香港製造」嘅科技成就及創意潮流。
![好去處-創新科技-嘉年華-工作坊-講座-攤位-親子活動5](https://1283385405.rsc.cdn77.org/wp-content/uploads/2023/10/-5-3-1024x653.jpg)
展覽同時展出本港主要學生科學比賽得獎者嘅尖端發明,大家可以睇到學生嘅無限創意,當中包括由城市大學研發嘅「智能海綿」,是一種多功能、選擇性吸油海綿,可用於家居油脂清洗、鹹淡水域油污清理;而由香港應用科技研究院研發嘅「5G雲端機械人系統」,通過結合先進嘅5G、雲端運算和機械人技術,於複雜環境中自主導航,執行精細任務。
兩個週末期間設有二維碼搜尋遊戲,只需集齊各區嘅電子蓋印就可換領限量版創新科技嘉年華 x 《大偵探福爾摩斯》聯乘福袋一份。 數量有限,先到先得。大偵探福爾摩斯與華生更會於週末下午現身,粉絲唔好錯過。
3.網上講座
30多場由學者及業界專業人士主講嘅網上講座,同大家介紹創新及科技嘅最新發展,主題涵蓋包括空氣污染、人工智能等,同生活息息相關。
4.攤位
部分攤位設有互動遊戲,讓大小朋友與新科技互動,以趣味方式幫大家掌握創新科技知識。
![好去處-創新科技-嘉年華-工作坊-講座-攤位-親子活動2](https://1283385405.rsc.cdn77.org/wp-content/uploads/2023/10/-2-7-1024x683.jpg)
免費穿梭巴士接駁
大會提供免費穿梭巴士來往港鐵大學站、大圍站、九龍塘站和金鐘站,大家可留意網頁公佈嘅班次;亦可乘坐公共交通工具前往。
「創新科技嘉年華2023」詳情
日期:2023年10月28日至11月5日
地點:香港科學園
網頁:innocarnival.hk
註:所有活動費用全免,部分活動須預先登記
更多相關文章
週末好去處 |屯門室內遊樂場「百田樂園」新店玩後報告
週末好去處 | 精選5大免費STEM兒童探知好去處
週末好去處|親子上動物工作坊學STREAM 製作手工教具+科學小實驗+玩AR遊戲
![親子好去處-香港夜繽紛-優惠](https://1283385405.rsc.cdn77.org/wp-content/uploads/2023/10/--1024x538.jpg)