早前媽媽同豬仔包好開心可以做親子試玩員 ,去到東港城參加由「東港城 x Kiztopia x 新加坡旅遊局 x 新航假期」辦嘅「 彈遊新加坡」活動,睇下有咩咁吸引啦!
![](https://1283385405.rsc.cdn77.org/wp-content/uploads/2023/07/jumptopia4-1024x768.jpg)
「 彈遊新加坡」係Jumptopia 全球首個最大型一體式充氣彈床城堡,呢個以新加坡著名景點為主軸嘅巨型彈跳城堡長達25米,高逾5.5米,總面積5000呎,真係好巨型。
6大專區放電一流
![](https://1283385405.rsc.cdn77.org/wp-content/uploads/2023/07/jumptopia3-1024x768.jpg)
充氣彈床城堡共分6個部分:
-充氣滑梯熱身區
-F1賽車挑戰區
-亞熱帶水果園
-波波池樂園
-障礙陣迷宮
-忍者衝天
![](https://1283385405.rsc.cdn77.org/wp-content/uploads/2023/07/jumptopia6-1024x768.jpg)
由起點充氣滑梯熱身區 ,有兩條熱身滑梯,可以同朋友仔一齊熱身,一齊衝破 障礙陣迷宮,之後搭上新加坡航空再衝落波波池暢泳。
巨型恐龍考體力
![](https://1283385405.rsc.cdn77.org/wp-content/uploads/2023/07/jumptopia8-768x1024.jpg)
攀上巨型恐龍,再到 F1賽車挑戰區 揾化身一級方程式賽車手嘅萌爆魚尾獅Merli打個卡,再衝破 亞熱帶水果園,最後去到 忍者衝天區域,挑戰5.5米高極速滑梯,就算完成。
極速滑梯挑戰膽量
![](https://1283385405.rsc.cdn77.org/wp-content/uploads/2023/07/jumptopia12-768x1024.jpg)
豬仔包玩障礙陣非常落力,玩完一轉都已經爬到身水身汗,極速放電,不過講到刺激又特別,莫過於「5.5米高極速滑梯」連旁邊嘅「忍者衝天」區域。
響呢個區域可以扮忍者衝上️3個不同高度嘅挑戰區,成功就可以穿過5.5米高極速滑梯回到地面。豬仔包試咗好多次都係差一點就滑番落嚟,不過估唔到豬仔包又無氣餒,最後真係比佢成功衝上去,嗰種成功感真係冇辦法用文字形容,開心都不得了。
暢游大型「波波池」
![](https://1283385405.rsc.cdn77.org/wp-content/uploads/2023/07/jumptopia5-1024x768.jpg)
除咗刺激嘅滑梯,波波池都好吸引豬仔包,呢個池除咗大之外,仲係有少少深度,豬仔包真係可以可以游水咁游來又去,名乎其實嘅「波波池」。
玩完充氣彈床城堡,我哋去到 「遊戲競技場 」諗住騎吓馬仔,玩吓搖搖樂抖抖,估唔到搖搖樂係咁刺激,豬仔包係咁叫媽媽搖大力啲,大呼好玩,玩到停唔到,小朋友去嘅時候真係要記得戴安全帶同扶實,咁就玩得安全又開心。
![](https://1283385405.rsc.cdn77.org/wp-content/uploads/2023/07/jumptopia9-1024x768.jpg)
最後,我哋同️4米高嘅超巨型嘅新加坡旅遊局吉祥物魚尾獅Merli打個卡就完成我哋呢趟開心又刺激嘅「新加坡」之旅。
週末好去處 |環保概念之旅免費遊 4D電影+玩AR/VR遊戲+導覽
「The Point」會員可以透過 The Point 手機應用程式,用積分兌換優先預留証,再以電子貨幣消費滿指定金額,就可以免費換到「彈遊新加坡」親子套票。
另外,會員以3000積分及即日電子貨幣消費滿指定金額,仲可以帶走「Merli & Kiztopia Friends」主題旅遊精品,包括:伸縮雨傘、旅行行李帶變購物袋及夏日沙灘快乾浴巾,全部都又靚又實用。