平時留意好多親子活動嘅豬仔包媽媽，今次又帶豬仔包去參加環保工作坊，玩樂之餘同時學STEAM，郁下腦仔手仔，過程中仲一齊學識更多植物及苔蘚養護知識，一齊睇下工作坊有幾好玩啦！
豬仔包媽媽帶豬仔包參加一個 建造綠色工作坊 ，一同製作「 植物生態蛋」，喺工作坊導師指導下，利用「回收扭蛋殼」製作一個微景觀植物生態蛋嚟種植蕨類及草本植物，從中學習植物及苔蘚養護知識！
植物生態蛋製作方法
原來製作「 植物生態蛋」一啲都唔難，製作格構共分三層，首先喺底部鋪上小小嘅碎石頭形成「疏水層」 ，再加小小水苔做「過濾隔離層」 ，蓋著石頭以避免第三層嘅泥土掉入底部嘅「疏水層」，亦讓泥土裡多餘嘅水分可以滲透到「疏水層」。最後就係「泥土層」 ，喺水苔上面再鋪滿厚厚嘅培養土，咁就初步完成！
跟著就到裝飾部分，要喺植物生態蛋上放上植物同裝飾，同枱嘅參加者各自取一盆小植物，將其分成數株，之後大家再進行交換，咁樣嘅話每人嘅生態蛋就可以有不同種類嘅植物啦！
植物生態蛋保養方法
豬仔包最喜歡係紅色嘅植物，媽媽就鍾意紫色，一齊移植好喜歡嘅植物，並於植物旁邊鋪上苔蘚，最後加上少少裝飾品同碎石做點綴，植物生態蛋就大功告成啦！
完成後導師仲教埋保養方法，生態蛋可以用「 密封式 」養植，只需澆成少量嘅水，蓋好蛋殼就會自行水循環，唔需要再打開蓋子照顧。不過扭蛋殼並唔係高清透明，所以都可以採用「開口式 」種植方法，幾日澆一次水就可以！
週末好去處 ｜環保概念之旅免費遊 4D電影+玩AR/VR遊戲+導覽
在家實踐「碳中和」
估唔到「回收扭蛋殼」都可以製作出咁精美嘅盆栽擺設，環保得嚟又易打理，製作多幾盆，真係可以打造一個小小森林 ，喺家實踐「碳中和」！
今次呢個「 植物生態蛋」係由建造業零碳天地定期舉辦嘅「建造綠色工作坊」之一 ，工作坊集合運動、建築及環保等元素。如果家長都有興趣參加嚟緊嘅綠色工作坊可以前往網站了解更多！
資料內容及相片獲 豬仔包の開心日常 專頁授權轉載
更多相關文章
週末好去處 ｜屯門室內遊樂場「百田樂園」新店玩後報告
週末好去處 ｜ 精選5大免費STEM兒童探知好去處
週末好去處｜親子上動物工作坊學STREAM 製作手工教具+科學小實驗+玩AR遊戲
