近年活躍於TVB不同電視節目嘅黃子桐,唔只身材外貌討好,而且更係學霸一名,受師姐朱千雪、麥明詩影響,堅持不為加入娛樂圈而與世界脫節,即使原本已為香港大學犯罪學系畢業生,入行後再半工讀入中大醫學院進修,將兩年課程濃縮至一年完成,最終修畢整個香港中文大學碩士課程,才貌兼備!
中學被發現為資優生 港大主修中文及犯罪學系
![明星成長-女藝人-黃子桐-犯罪學](https://metroeducationplus.com.hk/wp-content/uploads/2022/12/黃子桐3.png)
黃子桐中學就讀葵涌區裘錦秋中學,中學時期已經參加許多聯校課外活動,更被老師發現係資優生,更成為「香港資優教育學苑」成員。不過就算係資優生,都要付出努力,中學畢業成功入讀香港大學嘅黃子桐,為咗應付公開試一樣都要操Past Paper,更提醒同學仔作息對考試表現非常重要,因為要足夠嘅休息先會可以增強記憶力。
![明星成長-女藝人-黃子桐-犯罪學](https://metroeducationplus.com.hk/wp-content/uploads/2022/12/黃子桐5.png)
雖然黃子桐讀嘅中學並非名校,但黃子桐依然能考取佳績入讀香港大學,主修中文及犯罪學系。之所以揀選犯罪學系,主要係因為黃子桐自細就愛睇偵探及犯罪題材嘅電影,加上鍾意研究人性同心理,所以跨學院主修犯罪學,其後更將知識學以致用,於電視節見《666永: 逝者代言人》中分析犯罪份子嘅心理狀況及犯案動機。
明星成長 |《美麗戰場》陳曉華中大護理系畢業 參港姐為求突破Comfort Zone
畢業曾於醫療機構任職 為演藝發展棄高薪厚職
![明星成長-女藝人-黃子桐-犯罪學](https://metroeducationplus.com.hk/wp-content/uploads/2022/12/黃子桐7.png)
香港大學不乏本地名校出身嘅畢業生,對於非名校出身嘅黃子桐,曾直言剛踏入大學生活時亦試過因被同學睇唔起而感到自卑,不過憑着積極主動嘅心態,慢慢地亦能融入港大生活,更認識咗好多外國學生。
![明星成長-女藝人-黃子桐-犯罪學](https://metroeducationplus.com.hk/wp-content/uploads/2022/12/黃子桐4.png)
大學畢業之後,黃子桐曾於醫療機構任職,更受到公司賞識提攜到哈佛大學進修,更曾表示當時嘅人工係而家嘅4倍,不過黃子桐一心想發展演藝事業,為加入演藝圈參加香港小姐競並晉身12強,期後更放棄到哈佛大學讀書嘅機會,加入TVB成為旗下女藝人。
明星成長 |鄧佩儀入行十年終做女一 突請假返加拿大重回校園生活?
受前屆港姐啟發再進修 花20萬半工述醫學院碩士課程
![明星成長-女藝人-黃子桐-犯罪學](https://metroeducationplus.com.hk/wp-content/uploads/2022/12/黃子桐.png)
加入TVB後,黃子桐並無因此而停下步伐,比之前更努力增值自己,花上約20萬港元,用一年時間半工讀修原為兩年嘅中大醫學院公共衞生系碩士課程,過住非常艱苦嘅生活,一邊工作拍攝一邊做功課上堂,經常都要通頂,更試過連續48小時工作再接住上堂,加上黃子桐讀文科出身,修讀醫科需要付出嘅努力比其他人更多,過程更加艱辛。
![明星成長-女藝人-黃子桐-犯罪學](https://metroeducationplus.com.hk/wp-content/uploads/2022/12/黃子桐6-1.png)
不過只要努力,事情總係會有成果,黃子桐最終憑着堅毅亦完成整個課程,取得碩士學位,前途無可限量,一畢業已有私人醫療公司邀請成為管理層成員之一,但因為黃子桐想趁年輕盡情追逐夢想,所以冇退出娛樂圈嘅打算,更表示再進修某程度上係受到師姐朱千雪同麥明詩嘅影響,坦言 : 「呢行好易迷失自己,同擔心與世界脫節,讀書可以令自己頭腦清醒啲。」
明星成長 | 朱千雪於演藝事業黃金時期 為追夢重返校園成大律師
香港中文大醫學院
醫學院自成立以來,在教學、臨床診治及研究,以及促進健康科學上均有傑出成就。學院現在是公共衞生服務重鎮,而且是不少突破性醫學發現和外科新技術的發源地。學院下設十九個教學學系/學院/單位,開辦七個學士學位課程和多項研究院課程,為學生提供頂尖的全面醫學訓練。
醫學院包括腫瘤學系、影像及介入放射學系、內科及藥物治療學系、微生物學系、婦產科學系、眼科及視覺科學學系、兒科學系、藥劑學院、精神科學系及賽馬會公共衞生及基層醫療學院。
相關文章
明星成長 | 馮盈盈零經濟及商科底成功考獲CFA Level 1 當年DSE 28分入港大
明星成長 |麥美恩加拿大名校畢業 入行以做主持為目標
明星成長 |麥明詩會考10A放棄拔尖到英國考A-LEVEL入劍橋大學
![](https://metroeducationplus.com.hk/wp-content/uploads/2022/12/image-5-1024x538.png)