近期一部香港電影《飯戲攻心》票房衝破7000萬,暫時成為年度第一,亦成為近年來最受歡迎嘅港產片之最,其一主角為棟篤笑之神黃子華。黃子華之所以有今日嘅演藝創作成就,重要嘅轉捩點為當年升上預科後決定到加拿大升學,修讀哲學系,從此受啟發令自己尋獲人生嘅意義。黃子華由一個渾渾噩噩嘅中學生,變成如今受人愛戴並甚具表演才華嘅一名表演者,其高低起伏嘅人生就似一本人生傳奇。
中學時期渾噩過生活 會考12分要撲學校
![明星成長-男演員-黃子華-哲學](https://1283385405.rsc.cdn77.org/wp-content/uploads/2022/11/1-2-2.jpg)
黃子華父母自小離異,其間不斷轉換居所,亦不停轉學校,幼稚園就讀花地瑪幼稚園,小學就讀福榮街官立小學,小六時轉到聖若瑟英文小學讀書,畢業後升上聖若瑟英文中學,中五畢業後前往威靈頓英文中學修讀預科。
黃子華中學時都與大部分中學生一樣,係一個平平凡凡,唔特別勤奮但亦不算懶惰嘅學生,冇特別追求亦冇人生目標,對學習冇太大興趣,人云亦云,渾渾噩噩過每一日,當年會考取得7D十二分嘅成績,唔夠分升原校,最終要周圍撲學校並入讀威靈頓英文中學。
![明星成長-男演員-黃子華-哲學](https://1283385405.rsc.cdn77.org/wp-content/uploads/2022/11/unnamed-file-13.jpg)
面對轉新校嘅陌生,前途一片茫茫嘅黃子華第一日返學便跟同班同學走堂,不過卻心知唔能夠一直渾渾噩噩過日子,碰巧又有認識嘅朋友於加拿大讀書,便把心一橫決定到加拿大升學,最後亦成功入讀加拿大阿爾伯塔大學。
加拿大阿爾伯塔大學 University of Alberta
![明星成長-男演員-黃子華-哲學](https://1283385405.rsc.cdn77.org/wp-content/uploads/2022/11/1-2533646004phpfunlk4-1.jpeg)
加拿大阿爾伯塔大學多年來在不同的大學排名上穩居加拿大前五位,根據2023QS排名,於加拿大排名第4位。阿爾伯塔大學在全加3M教學優秀獎中,阿爾伯塔大學的23名教師獲此殊榮,也是加拿大擁有此殊榮最多的大學。大學在地球科技與地球環境工程,魚類研究,石油化工,化學,環境科學與工程等學科最為著名。此大學的圖書館是全加拿大最大的大學圖書館之一,學生人均藏書領先於加拿大所有大學。
學費:約 $107,680港元
地址:116 St. and 85 Ave. Edmonton, Alberta T6G 2R3
著名香港演藝校友 : 蘇施黃、馮允謙
明星成長 |《正義迴廊》 楊偉倫早已為舞台劇最佳男主角 自小已有濃厚表演慾
受加拿大教會朋友啟蒙 打開思辨之門
![明星成長-男演員-黃子華-哲學](https://1283385405.rsc.cdn77.org/wp-content/uploads/2022/11/4-11078152_1422181501248051_5682774742344400896_n.jpg)
加拿大比香港寧靜、而且天氣寒冬,相較香港少娛樂,呢種孤清嘅環境反而令黃子華成長,迫使自己進行更深度嘅思考,而且當時因有返教會嘅習慣,喺教會到認識咗修讀哲學嘅朋友,受朋輩影響,黃子華經常會深思一些深層次嘅問題,同時更促使其思考更多關於信仰嘅迷思,為咗令自己懂得「思考」,便從當時較受歡迎嘅工商管理學系轉到哲學系,開展咗之後嘅思辨創作之路。
從哲學系中學習思考及辯說 成就「棟篤笑」特色與技巧
哲學系於許多人眼中都視為「乞食科」,覺得畢業後「搵唔到食」。不過決心轉到哲學系嘅黃子華就好清楚自己唔想為生活而「返工」,唔想「返工」只為「搵食」,決心發展自己嘅興趣,做自己鍾意嘅嘢。加上哲學系當中所講解嘅「辯證法」及「反證學」,亦為學生提供思考及辯說訓練,而呢個訓練及學習更成為黃子華日後個人「棟篤笑」嘅特色及武器。
![明星成長-男演員-黃子華-哲學](https://1283385405.rsc.cdn77.org/wp-content/uploads/2022/11/1-20354888_524857380980472_6959004106890680594_n.jpg)
話雖如此,雖然黃子華因「棟篤笑」成名,但其實大學畢業後黃子華目標係成為一名演員,因此黃子華修畢學士學位後便回港參加編劇訓練班、香港話劇團、電台DJ、節目主持等。
![明星成長-男演員-黃子華-哲學](https://1283385405.rsc.cdn77.org/wp-content/uploads/2022/11/黃子華2-1024x680.jpg)
追夢需要付出,亦唔一定成功,黃子華於追夢過程中亦經歷過長時間嘅低潮,亦曾打算放棄演藝事業退出娛樂圈,退出之前黃子華將娛樂圈打拚嘅血淚史化成棟篤笑,計劃為自己娛樂圈之路劃上句號,點知呢個「辭呈」則化腐朽為神奇,最終更憑呢場棟篤笑一炮而紅,成為棟篤笑之神,絕地反彈。
明星成長 | 香港一所傳統男校出產多個男藝人 許廷鏗、林家謙同是校友
![明星成長-男演員-黃子華-哲學](https://1283385405.rsc.cdn77.org/wp-content/uploads/2022/11/2-44300_383946695071542_1339345448_n.jpg)
黃子華於2018年開辦合共26場嘅個人紅館棟篤笑,場場爆滿。因為棟篤笑嘅成功,令黃子華亦同時得到愈來愈多做演員嘅機會,為自己創出傳奇。人生就係如此變幻莫測,計劃亦永遠跟不上變化,正如黃子華曾於訪問中所講:「我會把創作與工作視為遇見一個對的人,不要強迫自己去跟從計劃,這亦都是迫不來的。」只要跟隨自己直覺努力地去做,總會行到去一個光明嘅出口。
![明星成長-男演員-黃子華-哲學](https://1283385405.rsc.cdn77.org/wp-content/uploads/2022/11/黃子華4-1024x576.jpg)
![明星成長-男演員-黃子華-哲學](https://metroeducationplus.com.hk/wp-content/uploads/2022/11/飯氣-1024x440.png)
除咗有近期嘅代表作《飯戲攻心》,更有TVB經典劇集《男親女愛》、《棟篤神探》、《絕代商驕》、《My盛Lady》,更有親自執導兼主演嘅《乜代宗師》、《一蚊雞保鑣》。
相關文章
明星成長 | 盤點多個TVB女神級藝人學歷 全部到過海外升學
明星成長 | 張嘉兒擁多個學位 為管教女女再進修中大公共衞生碩士
明星成長 |馮允謙為追夢放棄加拿大工作回港參賽 起步慢零收入時期仍不放棄音樂
![](https://metroeducationplus.com.hk/wp-content/uploads/2022/11/image-34-1024x538.png)