《全民造星III》參賽者雲浩影(Cloud)比賽後雖然人氣高企,但為咗生計,冇即時入行反而繼續做辦公室OL,完成比賽後兩年,今年終於簽約寰亞唱片,成為欣宜、馮允謙及C AllStar師妹,而原來Cloud就讀嘅葵青英中,都出產唔少演藝圈校友!
中學大型歌唱比賽奪冠 大學時差點放棄唱歌夢
![](https://metroeducationplus.com.hk/wp-content/uploads/2022/10/unnamed-file-1.png)
雲浩影(Cloud)兩歲便會跟住唱電視劇歌曲,自小已對音樂情有獨鐘,13歲時加入兒童歌手組合Honey Bees,中學就讀聖公會林護紀念中學,2013年更有參加全港中學校際歌唱比賽奪得優異獎,後來更有參加《樂有所城》全港中學I Can Sing歌唱比賽中奪得冠軍,可見讀書時期嘅Cloud喺音樂方面已經好活躍且實力早已獲得認可。後來Cloud升上香港城市大學,主修公共政策,曾於訪問中坦言當時因為某啲原因而冇再繼續唱歌,不過有繼續上唱歌班,當時就好似冇咗人生方向一樣,感覺自己冇靈魂,直到有一刻覺悟 : 「即使將來不能成為一名歌手,也不會放棄音樂。」於是便決定放手一搏,參加《全民造星III》,雖然最終未能進入三甲,但獲觀眾投票第一名,評判評分第七名,總成績得到全場第四名,成績非常理想。
明星成長 | 欣宜克服負面評價及自我懷疑 奮鬥35年成功奪女歌手金
《全民造星III》後棄做歌手感灰心 終放手一搏簽約出道
![](https://metroeducationplus.com.hk/wp-content/uploads/2022/10/1-3-112.png)
不過雖然Cloud憑着人氣高企嘅表現跑出,但《全民造星III》結束後並無立即簽唱片公司,亦冇辭職反而繼續做個辦公室上班族,當時Cloud於訪問中坦言打算雙線發展,更曾於訪問中表示擔心音樂搵唔到食,亦想喺冇咁大壓力之下做音樂,更深明自己音樂造詣有更多進步空間,於是便繼續一邊返工一邊探索音樂更多可能性。不過兩面發展確實難兩全其美,雖然Cloud用咗一年時間裝備自己,但亦坦言兩邊兼顧確實唔易,曾想過放棄音樂專心做返一個上班族,但自覺嗰段時間非常唔開心,感覺失去自己喜愛嘅事物,人生失去目標與焦點,感到好灰心,所以便決心繼續唱歌,做一個舞店表演者,最後更把心一橫勇敢追夢,放棄做OL,正式簽約唱片公司出道成為全職歌手。
明星成長 | 何啟華阿Dee受游學修鼓勵參加《全民造星》為追夢洗地賣衫侍應都做過
聖公會林護紀念中學
Cloud讀嘅聖公會林護紀念中學,係葵青區一所基督教英文Band1學校,演藝圈校友有歌手董敏莉、ViuTV女藝人陳嘉倩、前女子音樂組合As One成員陳苑澄及《100毛》創辦人林日曦等。學校會考年代曾經連續3年達成100%升大學率,曾誕生過兩位10A狀元,於全港排名20。除此之外聖公會林護紀念中學嘅DSE公開試成績表現亦都出眾,與傳統名校相較毫不遜色,2018年DSE中,超過8成學生成功升讀大學學士課程,2021年亦有超過9成學生考獲最少「33222」嘅成績,學生各科目考獲4或5級以上嘅成績比例亦遠遠於香港日校平均水平之上,係名正言順BAND 1 A中學。據最新DSE考試表現,聖公會林護紀念中學於全港排名第11至25位,同區排名第一(葵青)。
相關文章
明星成長 | 強尼由工程師走到幕前 中年轉行以興趣行先
明星成長 | 林日曦輟學兩大得益 由廢青變上市公司董事
明星成長 | 盤點多個ViuTV女主持學歷
![](https://metroeducationplus.com.hk/wp-content/uploads/2022/10/image-11-1024x538.png)