明星成長 |廖碧兒考獲WSET國際品酒認證資格 拍劇同時進修BBA

明星成長-女演員-廖碧兒

唔少演員藝人除咗演戲,都會培養一下個人興趣,發展個人生意,其中成功例子之一就係選美出身嘅廖碧兒,廖碧兒曾為TVB女演員,曾拍攝多部代表作如《突圍行動》、《皆大歡喜》及《舞動全城》等。後來離開TVB後因為失戀遊歷法國時愛上釀酒,更考取國際品酒認證資格,包括WSET(Wine& Spirit Education Trust)課程第三級,建立自己嘅紅酒王國,另覓一片天地。

國際華裔小姐選美冠軍
參加無綫電視藝員訓練班入行

廖碧兒係華裔加拿大人,曾於社交平台公開透露,自小想成為醫生救人,大學亦修讀醫科,不過加拿大讀醫需經過十多年嘅時間,爸爸擔心會耽誤廖碧兒未來幸福無法出嫁,便於轉修工商管理,不過當時為咗參加選美比賽而擱置學業,分別於2000年參選溫哥華華裔小姐及2001年國際華裔小姐競選並奪取冠軍,同年透過無綫電視藝員訓練班加入TVB,由《皆大歡喜》做起,一度成為熱捧花旦如《心花放》、《人間蒸發》及《妙手仁心III》,2011年正式離開TVB。

失總意外遇上酒莊 考取WSET Level 3
參加釀酒比賽獲女釀酒師大賽金獎

後來喜愛化學嘅廖碧兒,2008年到法國波爾多,當時正受失戀情緒受困,到法國波多爾酒莊參觀,認識咗Despagne family,更被每枝酒背後釀成嘅故事啟發及打動,發現釀酒過程極具意思,於是便開始研究釀酒並發展自己嘅紅酒事業,創造咗自家葡萄酒品牌Bellavizio,釀製屬於自己嘅葡萄酒。

為咗加深對釀酒嘅深詣,一邊拍劇嘅同時,一邊修讀WSET 葡萄酒證書課程,更考取國際品酒認證資格Level 3,廖碧兒曾於訪問中坦言考取資格過程非常艱辛,而Level 3亦不易考,未來會向Level 4 Master of Wine嘅目標進發。除咗考取證書,為咗賣酒做慈善,廖碧兒更參加不同嘅釀酒比賽,2015年釀嘅白酒獲得2018年葡萄酒大賽銀獎,而2010年釀嘅紅酒更於2012年獲得女釀酒師大賽金獎。

鍾意葡萄酒嘅曾於訪問中透露釀酒過程讓自己領略出唔少人生道理:「酒有很多不同品種亦有很多不同的味道,其實人也一樣,與不同的人一起就有不同的化學作用…」

明星成長 | 盤點五位2022超強學歷港姐 亞軍許子萱直迫麥明詩?

雖然廖碧兒專注發展自己嘅酒事業,但提過自己仍喜歡演戲,離開TVB後更參與ViuTV多部劇集拍攝,其中更於2019年拍攝劇集《娛樂風雲》嘅同時,回到加拿大重返校園,修讀之前未完成嘅工商管理學位,另外亦憑着對酒嘅專業,與Error 193 及肥仔、林曉峰拍攝 ViuTV以飲食為主題嘅傾談節目《是滴是友》,發展演藝興趣之餘,更持績進修,成為獨當一面嘅女強人。

WSET 品酒師證書課程

萄酒與烈酒教育基金會(WSET)為全球最大型葡萄酒、烈酒及清酒資格認證機構。WSET設計及開辦葡萄酒和烈酒教育課程逾50年,備受全球各地認可的酒精類飲料機構信賴。WSET提供4級漸進式資格認證課程,授課內容被翻譯成多種語言以供選擇,旗下授權培訓機構遍及全球70個國家/地區。WSET資格認證課程持續啟發業內人士及愛好者,助他們提升能力。

WSET 葡萄酒第一級認證學費:$1,700
WSET 葡萄酒第二級認證學費:$6,600
WSET 葡萄酒第二級認證學費:$11,000

資來引用:https://www.hkwineacademy.com/



相關文章
明星成長 | 盤點六位80/90後童星學歷+現況
明星成長 |李施嬅大學讀多倫多大學 回流選港姐加入TVB憑《金宵大廈》人氣急升
明星成長 |麥明詩會考10A放棄拔尖到英國考A-LEVEL入劍橋大學