教育新聞｜英女王伊利沙伯二世享年96歲自小受精英教育學法律狩獵及多種語言

英女王伊利沙伯二世於2022年9月8日於蘇格蘭巴爾莫勒爾城堡安詳離世，享年96歲，由王儲查理斯即時繼位，稱號「查理斯三世」。英女王伊利沙伯二世出生於1926年，經歷過多件世界大事，包括世界第二次大戰、冷戰及英國脫歐等。伊利沙伯二世曾於1997年7月1日見證香港回歸，是英治時期人稱嘅「事頭婆」。英女王伊利沙伯二世嘅離開代表一個時代嘅結束，而其離世嘅消失亦引起不少人嘅哭泣。

英女王伊利沙伯二世與香港的關係

香港正值英治時期時，英女王伊利沙伯二世於1952曾登基至香港回歸，由25歲開始擔任香港「事頭婆」滿45年。年輕嘅英女王伊利沙伯二世登基時，深受香港人歡迎，更為之慶祝，由於香港正值於英國殖民地時，香港政府總部、警署及立法會均掛着英女王嘅肖像，更被一眾公僕稱呼為「事頭婆」，因此有了這個稱號。英女王在位期間，曾兩度訪港，分別為1975年及1986年，遊歷香港不少地方，更深入香港屋邨如愛民邨及街市探訪香港街坊及檔主，，另更有到訪紅磡地鐵站、香港大學、葵涌貨櫃碼頭等地方了解民生，非常親民，兩次訪港均引起哄動。而1986年那年，到訪香港則係簽定中英聯合聲明嘅兩年後，來港作道別。

英女王的精英教育

英女王伊利沙伯二世從小接受「精英教育」，並無接受體制教育，一直接受私人家教，從未到過地方學校上課。作為王室繼承人，英女王必需受到各方面嘅栽培，如憲法、歷史、法律及包括法語在內至少三種外語。除咗要接受文化教育之外，另更要遵從王室傳統，學會狩獵。另外英女王三歲時更開始學騎馬，四歲便擁有自己嘅一匹馬，深愛馬術運動，更會每天朝早睇馬報，了解賽馬活動，甚至係馬匹繁殖過程及馬匹福利，名正言順係一位「愛馬之人」。

英女王參軍二戰

除咗學習文藝武，作為王室嘅女繼承者，英女王更要接受機械與駕駛訓練，並於二戰時參軍，擔任初級指揮官工作，曾於英軍後勤部隊服役五個月。而因為當時受到駕駛訓練，亦從此愛上汽車，與父親一樣愛好名車Land Rover，亦喜歡Bentley、Jaguar及Rolls Royces。

英女王的育兒之道

貴為王室成員，英女王對子女要求嚴格，同樣要求子女需要服役及參軍。而且英女王伊利沙伯二世更打破傳統嘅王室教育，送兒子查理斯王子到當地學校上學，分別將查理斯送到位於漢普郡嘅Cheam School及蘇格蘭嘅Gordonstoun School，開創英國王室多年來嘅教育模式，而查理斯王子更於劍橋大學三一學院畢業，成為第一位經歷公開考試及完成大學學位嘅王室繼承人，拉近王室與人民之間嘅距離。