姜濤入行接近4年,除咗歌唱事業有聲有色,最近更開始參與電影拍攝,如電影《阿媽有咗第二個》及電視劇《季前賽》,更表示有意想30歲後轉做演員及幕後,更認為做演員會對自己經歷幫助更大。姜濤中學時讀書成績麻麻,中三就轉學去青年學院(邱子文)讀文憑,但卻因為對表演有天份及興趣,參加《全民造星》並成為受一眾年青人愛戴嘅偶像,除咗個人努力,背後亦有賴家人開明嘅態度,及無限嘅支持及體諒。
明星成長 | 胡子彤身兼演員加棒球運動員 將運動精神帶到演戲
望30歲能轉型演員及幕後工作
現時23歲嘅姜濤,現正係演藝事業黃金時期,成為不少廣告商嘅新寵兒,亦擁有一大批姜糖,不過姜濤曾於訪問中表示,除咗舞台表演之外,認為呢一行其他工作都不太適合自己,並自覺唔適合待於呢一行太長時間,希望喺自己最好嘅時光退落嚟,然後過返安靜嘅生活,更曾於訪問中表示 : 「身邊的人都說入行愈耐愈放不下,但我反而入行愈耐愈想放下﹗」問到退下來之後想有咩計劃,姜濤則表示有意向演員及幕後工作發展,目標想好似周潤發一樣,邊從事演藝工作邊過着平凡生活。
![](https://metroeducationplus.com.hk/wp-content/uploads/2022/06/姜濤4-227x300.png)
圖片來源 : IG@keung_show
姜濤之所以如此受歡迎,喺鏡頭前能歌善舞,背後其實都經歷有過自卑嘅時候,曾於訪問中提過,自己從小因為身體肥胖而相當冇自信,怕上游泳堂,遇見心儀女同學更加唔敢表白,亦曾因為身形問題被欺凌,相當介意別人嘅玩笑,導致中學時期嘅佢都冇乜識到朋友,最後更因成績差而被退學,後來中三就轉學去青年學院(邱子文)讀文憑,更坦言後悔冇珍惜中學時光。
不過姜濤亦稱幸得當時有呢個經歷,先更推動到自己變得更懂事,亦明白身形會限制追夢,因而決心減肥,由 200 磅減到 140 磅,更曾經用錯方法減肥導致身體極差,不過好彩明白到健康修身先係正確嘅減肥方法,就修讀運動教練課程、專攻帶氧運動及改變不良飲食習慣,憑堅持最終變身成而家嘅萬人迷。
明星成長 | 林嘉欣十多歲便從台灣獨自到港發展 誕女後曾有抑鬱傾向
迷失時會睇心靈雞湯 尋回自己初心
![](https://metroeducationplus.com.hk/wp-content/uploads/2022/06/姜濤1-231x300.png)
圖片來源 : IG@keung_show
相信每個成功嘅人都經歷過迷失及被負面情緒困擾嘅時候,對於姜濤嘅舒緩方法,就係得閒時上網睇心靈雞湯類別嘅勵志片段,亦時刻記住媽媽嘅教誨,讓自己保持謙卑及不忘本,讓自己不至於迷失。能夠成功追夢,亦有賴家人開明嘅態度及支持,更曾提及媽媽對自己講過嘅鼓勵說話 : 「你不讀書,可能有其他事情做得好呢!」更認為做家長嘅千祈唔好忽略小朋友嘅聲音,如佢哋真心想做好一件事,父母不妨給予多啲支持,同時更勉勵大家 : 「問吓自己想成為乜嘢人,最可以推動自己只有自己,多啲同自己溝通,誠實面對自己諗法,係咪甘於成為咁樣嘅人,希望多啲同自己溝通,所以最終解決都係自己。」
相關文章:
明星成長 | 鍾雪瑩曾身兼多個創作身份 裸辭為提升自我修養成專業演員
明星成長 | 王丹妮由國際模特兒走到演員
明星成長 | 柳應廷街頭Busking兩年零收入從音樂創作中反思家人關係
![明星成長-男歌手-柳應廷](https://1283385405.rsc.cdn77.org/wp-content/uploads/2022/06/jer.jpg)