林嘉欣去年憑電影《美國女孩》成為是金馬獎史上首位獲得女主角、女配角與新演員三項演技獎大滿貫嘅演員。林嘉欣出道至今，演出多部深入民心嘅電影及角色，其中以《男人四十》為新進代表作，自入行以嚟以演戲為目標，但自從結婚並成為媽媽後，除咗演員，更兼具母親嘅身分，並擁有一套育兒之道。
明星成長 ｜ 欣宜克服負面評價及自我懷疑 奮鬥35年成功奪女歌手金
成為演員前曾擔任歌手
因台灣發展不順獨自闖進香港演藝圈
林嘉欣出生於加拿大溫哥華，自小父母離異，從加拿大畢業後回台灣，1994年正式於台灣以歌手出道，但卻對歌手身份感到唔自在，並曾於訪問中稱當時雖然未發掘到興趣，但就知道唱歌唔適合自己。因台灣發展唔順利，於是便不理家人反對，獨自一人走到香港發展，更於2001年成功於試鏡突圍而出，擔演香港電影《男人四十》女配角，並憑此作品同時奪得香港電影金像獎與金馬獎嘅最佳女配角及最佳新進演員獎項。
圖片來源 : IG@karenalamkayan
對於當時意無反顧加入演藝圈嘅林嘉欣，曾稱因當年嘅任性，才能於演藝圈打滾好幾年，並獲得之後更多嘅演出機會，並說：「頭十部作品都是沒有片酬，說生活不艱難拮据是騙人的，都是懷着破釜沉舟的心情走下去。」「當時我跟自己說『如果努力過後，還沒有成果便離場吧。』那時候我沒有太多演戲經驗，只能默默耕耘；但正因為年輕沒有包袱，反而能撇除顧慮，做自己想做的。」結果林嘉欣果然做到，並得到外界認同，後來更演出愈來愈多嘅代表作 ，連續四年分別憑電影《異度空間》、《戀之風景》、《救命》及《怪物》於香港電影金像獎獲提名最佳女主角。
明星成長 ｜ 張繼聰因失戀愛上音樂 全憑一種心態走過人生低潮
婚後誕女暫別娛樂圈後曾傾向抑鬱
後獲家人支持重返演藝圈
直到2010年，林嘉欣與導演袁劍偉結婚，同年誕下女兒，並暫別娛樂圈，暫別期間一度於演員及母親兩個身份及責任之間掙扎 ，並因此而患上憂鬱，一方面認為要履行當媽媽以家庭為重嘅想法，另一方面又發現自己對演戲有着強烈嘅慾望。後來因為得到丈夫嘅支持，提醒道 :「 媽媽是一個家的核心，媽媽快樂，家庭才會快樂。」令林嘉欣於2011年正式復工，期間更誕下二女，並擁有一套育兒之道。
對於與孩子相處，林嘉欣曾於訪問中透露 : 「我們家是有家庭會議，大家可以提出意見，一個人講其他人都要聽，講完再換下一個人。」透過溝通與孩子互相協助彼此，共同尋找解決問題嘅方法，並讓心中嘅糾結講開，更表示從孩子身上可以學習成為一個更好嘅母親及成為一個更好嘅自己。
圖片來源 : IG@karenalamkayan
明星成長 ｜ 陳凱琳憑正面形象成功轉型為收入8位數KOL
面對孩子踏入嘅反叛期，林嘉欣表示唔會選擇去質疑孩子，因希望孩子回頭望時，知道媽媽永遠有一道門為佢哋打開着。從兩女身上，對於曾經唔聽話嘅自己，漸漸開始對自己嘅媽媽生起同理心，並稱多咗一份明白，減少不少批評與抱怨。如今，林嘉欣擁有一個美滿人生，並稱能夠獲得家人理解及支持，建立家庭後仍能做自己鍾意做嘅嘢，感到非常幸福。
相關文章:
明星成長 ｜ 王菀之從父母身上愛上音樂與創作
明星成長 ｜ 張敬軒音樂造詣從小訓練 每日花4小時練開聲
明星成長 ｜ 陳法拉30歲跳出舒適圈 赴美國修讀戲劇碩士課程
