相信有追開VIUTV嘅人,一定都對「全能強尼」許博文有所認識,除咗做主持、唱歌、拍戲樣樣精之餘,強尼學業成績亦相當優秀,成為幕前之前,大學畢業後曾擔任十年工程師!除咗事業有成,強尼更有一個溫馨嘅家庭,育有一名十歲兒子,可謂家庭事業兩得意!
明星成長 |林奕匡加拿大留學靠一招學中文
大學畢業憑理性選擇走一條平坦的路
強尼曾於訪問中提及,自小有一個歌手夢,大學時更曾參加過大專聯校歌唱比賽,獲得Sony唱片公司邀請試音,可惜後來公司全面重組,歌手夢便迫於無奈擱置一邊,但強尼亦坦言,當時唔敢憑感性追求喜歡嘅事物,只知保持理性為自己人生選擇一條較易行嘅路,於城大畢業後加入建築業成為工程師,以賺取穩定而可觀嘅收入。
![明星成長-主持-強尼](https://metroeducationplus.com.hk/wp-content/uploads/2022/05/強尼3-294x300.png)
圖片來源 : IG@ilovemyoq
不過,強尼選擇建築系都並唔係無原因純粹為安穩,而係源於一次路過中環,觀望設計筆直精密嘅中銀大廈,對工程師嘅才能甚感佩服,於是便有咗修讀建築系嘅決定。而五年嘅大學兼大專生活,亦非只在建築圖中度過,曾時強尼活躍於學校足球隊並為大學競逐「大專盃」,以及參加大專聯校歌唱比賽,大學生涯多姿多彩,累積咗豐富且精彩嘅經驗。
明星成長 | 林日曦輟學兩大得益 由廢青變上市公司董事
擺脫十年理性生活 轉行追求夢想
經歷咗十年理性生活,當時已年過三十嘅強尼,自覺應係時候為生活作出改變,跳出舒適圈,嘗試追逐自己嘅興趣,於是便向着幕前工作發展,加入有線電視台嘅足球評述員,期後更擔任過娛樂台主持及新城電台主持,過程中鍛練咗不少執生技巧及臨場發揮,同時亦因電台工作接觸咗不同嘅人而擴闊視野。
![明星成長-主持-強尼](https://metroeducationplus.com.hk/wp-content/uploads/2022/05/強尼1-189x300.png)
圖片來源 : IG@ilovemyoq
不過好景不常,後來有線電視台發展轉變,體育及娛樂台工作愈來愈少,強尼為對家庭負責,決定重返建築業,有一年半時間需同時兼顧足球評述員及建築師兩份工。而呢段時間,正好讓強尼更加認清自己嘅方向,最終更忠於自己,選擇咗興趣,於是便諗方法繼續擔任幕前工作人員,幸好此決定亦得到太太支持。當時咁啱適逢ViuTV成立半年,喺有線電視監製嘅建議下,終加入ViuTV並成為而家廣為人識嘅「全能強尼」。
明星成長 | 林欣彤畢業前為夢想一搏 成名後憑一個座右銘走過低潮
相關文章:
明星成長 | 林家謙大專比賽時被一位歌手賞識 從此開啟音樂之路
明星成長 | 欣宜克服負面評價及自我懷疑 奮鬥35年成功奪女歌手金
明星成長 | 曾江倒斃酒店房間享年87歲 高學歷曾為留美建築系學生
明星成長 | ToNick恆仔讀書時已萌生首部電影概念 理工進修再入演藝