相信唔少港人都被 <<高山低谷>> 一歌感動過,歌曲所表達嘅訊息或多或少都能引起大眾共鳴與感慨,尤其對於正在努力生活嘅香港人。而其實歌詞中所描述嘅,亦正正係歌曲創作者林奕匡Phil嘅經歷,無論學業上或事業上,都跟大部分年青人一樣,經歷過高高低低。
![明星成長-海外留學-林奕匡](https://metroeducationplus.com.hk/wp-content/uploads/2022/04/phi7-228x300.png)
圖片來源 : IG@saxyphil
因揀錯科由高材生變包尾
林奕匡 (Phil) 曾於加拿大讀書,正式成為音樂人前,曾非常熱愛科學,自小拜讀霍金理論,對科學數理產生濃厚興趣,中學成續亦相當優秀,曾獲全省第一並取得獎學金考入大學。不過Phil曾於訪問中提過,大學與中學完全係兩種學習模式,加上入大學後先發現自己對物理興趣不大,因而令學習成績大不如前,曾於考試中四科中獲三科唔合格,由從前第一名變包尾。後來轉讀生物系,成績才有所改善,面對此經歷,Phil笑說 : 「曾考第一,又如何 ? 」並借此鼓勵學生不需太介懷當刻成績,因投身社會與返學讀書完全係兩碼子嘅事。
苦讀金庸學中文
林奕匡深知身在外地留學,較少機會學中文,中文底子唔好,因而努力不懈,為學好中文而不斷查字典,苦讀金庸著作,但過程甚感困難,不過林奕匡Phil從過程中更明白只有不斷嘗試,先可以克服困難,所以即使睇得好慢,都畀心機理解及學習,更揚言自己係個書蟲,鍾意睇唔同嘅書籍吸收知識「學做人」。
受周杰倫啟發 由科學走到音樂
![明星成長-海外留學-林奕匡](https://metroeducationplus.com.hk/wp-content/uploads/2022/04/phi6-225x300.png)
圖片來源 : IG@saxyphil
至於最後點解由科學走到音樂 ? 原來係所周杰倫影響,林奕匡讀書時因一次機緣巧合下認識周杰倫嘅音樂,從而驅使Phil往後對音樂嘅追求,大學時更參加過新秀歌唱大賽溫哥華選拔賽,晉身香港總決賽並贏得總季軍,讀完書後就便到香港全心發展音樂。
林奕匡到初來香港追夢時滿途荊棘,不順利期間,Phil亦不忘提升自己嘅音樂造詣,鑽研作曲編曲,最後更憑 <<高山低谷>> 一曲彈起。雖然一曲成名,但為深造音樂,於2019年前往美國著名音樂學院伯克利音樂學院進修音樂,進修期間更創作多首新歌,其將歌曲結合成一張專輯,直到現在成為廣為人識嘅香港音樂創作人。