本地升學|國際學校面試三大貼士

本地升學-國際學校-面試

唔少家長為咗小朋友學好英文,均會考慮幫子女報讀國際學校。由於國際學校與傳統學校有着不同嘅文化背景及學制課程,面試及收生條件都有好大出入。如各位家長想對國際學校面試有更深入嘅了解,不妨參考下孩子成功被國際學校取錄嘅家長分享!今次分享嘅媽媽May就係一個好例子,佢成功為兩個仔仔爭取到「香港加拿大國際學校」取錄,以下為媽媽May嘅面試心得 。

面試三大貼士

一、預留時間填寫申請表

媽媽May表示「香港加拿大國際學校」申請繁複,需預留時間填寫,親身經驗至少需花45分鐘完成。申請時亦需注意,申請費約$1,000港元,但唔保證有面試機會,除非申請人擁有加拿大護照,而所有獲得面試機會嘅申請者都唔代表能成功入讀,面試費亦另需繳付約$2000港元。

二、放手讓小朋友發揮

首先父母與小朋友會被安排到圖書館集合並等候,圖書館內有許多玩具,讓家長與小朋友自由活動。媽媽May提醒大家此等候環節亦視為面試過程之一,但建議家長自然應對,放手讓小朋友發揮,父母只需從旁看管,適時與小朋友互動即可。

三、 家長切勿插手

完成第一輪面試後,父母與小朋友會被帶到戶外遊樂場,讓小朋友與家長互動及玩樂。媽媽May提到過程中切忌過於緊張,盡量唔好插手小朋友正在做緊嘅嘢,遇到困難時,從旁鼓勵即可。另外,此輪面試完結前,記得提醒小朋友要有手尾,收拾玩具先離開,但不宜插手整個收拾過程。

總括而言,面試重點為流露小朋友真實一面,此校實行IB學制,相比學術表現,更重視小朋友獨立處事及解難能力,若家長心儀此校,並有幸獲得面試機會,記得做足以上所提及嘅貼士啦!


香港加拿大國際學校
官網 : http://www.cdnis.edu.hk/
地址 : 香港仔南朗山道36號
學校性質 : 國際學校
學費 : Grade 2 – $157,300/每年 ;Early Year 2 $115,900/每年
額外收費 : $20,000 一年資本建設費 (Capital Levy)

資料來源: Bally與您童行@Youtube


相關文章
本地升學|如何用推薦信爭取小一學位 ?
本地升學|IB課程多元化 讓孩子享受學習

本地升學-小學-ib課程