在家學習 | 9個免費網上學習平台

提早放暑假,安排緊小朋友放假有咩做?除咗俾小朋友輕鬆娛樂,想小朋友都可以趁空閑時間學習一下,坊間都有各種免費嘅平台,中英數常乜都有,即刻bookmark 以下多個學習平台!

英文平台

KIZCLUB – Printable for Kids

暑假-網上學習-學習平台

平台提供學習字母、拼音、英文生字,仲有各種生活題材嘅工作紙、小手工、書本等。另外仲有動畫互動教學模式,由淺入深,唔怕悶親小朋友!

Kindergarten Worksheets

暑假-網上學習-學習平台

平台提供好多不同題型嘅工作紙,家長可以打印出嚟,如無影印機,都可使用網頁版。除咗學英文,仲可以學到數學及一般常識。

Funbrain

暑假-網上學習-學習平台

平台上嘅設計及學習元素都採用可愛嘅插畫,而且互動性強,種類繁多。除咗透過遊戲學習,更可透過影片及電子書本學習

British Council

暑假-網上學習-學習平台

平台提供不同形式讓小朋友學習英文生字、文法、串字,如歌曲、小故事、影片及遊戲等。小朋友睇完故事之後,平台更預備咗好多題目俾小朋友作答。

EduBuzz Kids

暑假-網上學習-學習平台

除咗有網站,更有youtube影片及手提電話App,除咗英文,仲可以學埋數學及科學。學習教材有分級別,分別係3至4歲、5歲、6歲及7歲。 

中文平台

香港教育城:知文識趣

暑假-網上學習-學習平台

只要註冊成為會員即可享用網站裡面嘅學習遊戲,學生除咗可以學到中文基礎知識,仲可以學到古文、閱讀理解,提升中文能力及知識。

聽說讀寫小奇兵

iOS下載
Android下載

暑假-網上學習-學習平台

「聽說讀寫小奇兵」由協康會團隊設計,適合幼稚園低班至初小兒童使用。兒童可以一邊開心玩遊戲,一邊鞏固聽說讀寫能力;家長亦可透過專家分享環節,掌握激發幼兒學習語文嘅趣味小點子。

生活學中文

iOS下載
Android下載

暑假-網上學習-學習平台

此學習中文應用程式iOS 及Android 。學習形式多樣化,內含100篇故事,形式包括動畫、漫畫及繪本故事。其中一個系列《體驗學習》為鼓勵學生於生活實際練習使用中文。

語你同行

iOS下載
注意:這軟件需使用平板電腦學習,只適用於iOS。

暑假-網上學習-學習平台

平台針對溝通困難嘅小朋友,程式包括語言發展評估、專業訓練及治療計劃,幫助小朋友提升語言、社交和溝通能力;內含350幅常用詞彙圖卡,共17個類別,有助小朋友增強語言能力。