【移民 升學 】英國 學費、入學要求、學制 一文睇晒

移民英國係近年嚟父母其中一個熱門話題,其中最關心嘅必然係孩子 升學 方面。唔少父母都希望孩子可以海外升學,鍛鍊良好嘅英語能力,但畢竟 英國 制度與香港制度有好大分別,唔做足資料搜集,隨時影響子女前途。究竟 英國 學制 係點? 學費 幾多?入學要求又係咩?下文一次過為你解答,為小朋友移民 升學 做足準備!

英國
英國Tower Bridge, London, UK.

入讀 英國 學校前你要知

大部分英國學校都會因應申請人過往兩年嘅學業成績同課外活動表現作評核,海外申請英國 升學 者有機會被要求參加入學試及面試,如要應考英國私校入學試,學生將被測試各項能力水平,所以最好喺入讀前為小朋友打好 英文 基礎,包括讀、寫、聽、說。

英國 學制

教育制度分為4部分,分別係幼兒教育、小學教育、中學教育及高等教育。強制教育年齡為5歲至16歲。

3-5歲 : 5歲小朋友要開始入讀小學Year 1 ,但唔少4歲嘅小朋友入讀小學前會先入讀學前班,部分家長更會安排3歲或更細嘅子女先進行幼兒教育

5-11歲: 小學總共需要讀6年,Year 1 至 Year 6,11歲就可以升中學

11-18歲: 中學總共需要讀5年,Year 7 至 Year 11 ,Year 11完結前需選擇完成會考GCSE後繼續升學 或 當職業學徒及見習生至年滿18歲,亦可於Year 10 轉讀技術學校至畢業。如繼續升學,可選原校或預科學校修讀兩年A Level 課程,憑考試成績再報大學。

英國學校類型

公立學校

1. Academy School
可自行收生,教制自由,主力培養學生個人專長及興趣。

2. Free School
可自行收生,自行決定學期及上課時間,教制自由,亦不設收生限制,學生資質不一,實行「有教無類」精神。

3. Maintained School
學校要按「全國教學大綱」編制課程,按地區分配學額。當中再分為Community School 及 Foundation School,前者為主流公立中學,由地方政府管理;後者由學校管理層擁有。

4. Grammar School
學校需按照「全國教學大綱」編制課程,亦要跟從政府入 學制 收生。有意報讀者,需於5年級末或6年級首個學期報考當地中學入學試,頭20%成績最佳者會被取錄。

5. Faith School
學校需按照「全國教學大綱」編制課程,學校可自行決定收生準則。有宗教背景嘅學生取錄機會率較高。

英國 學費 預算

學費視乎公立學校或私立學校,公立學校學生可享免費教育;私立學校學生則視乎學校品質而定,以City School or St Pauls School 為例,學費 一年約需25,000英鎊 (約26萬港元),而每學期 學費 則由3,800英鎊至6,780英鎊不等 (約4.2萬港元至7.4萬港元)。

【子女成長】移民 前父母應給予子女的三大 心理 準備