【 聖誕好去處 】櫻桃小丸子驚喜現身銅鑼灣 冬日舞會4大打卡位/必入手Steiff限量公仔

聖誕好去處 — 聖誕節當然要去Party 啦!今個冬天櫻桃小丸子帶埋成班朋友嚟到銅鑼灣,喺銅鑼灣皇室堡、銅鑼灣地帶及東角LAFORET 3大商場驚喜現身舉行冬日舞會,更特別穿上由日本名模兼造型師今野晴也Hallelujah專程為佢哋度身打造嘅真實禮服,絕對唔可以錯過4大打卡位同期間限定店!

聖誕好去處 — 櫻桃小丸子銅鑼灣大搞冬日舞會 4大打卡位/必入手Steiff限量公仔

由即日起至2022年1月9日,一向愛玩愛熱鬧嘅櫻桃小丸子同一班好朋友會喺銅鑼灣皇室堡、銅鑼灣地帶及東角LAFORET 3大商場隆重舉行【皇室堡 · 銅鑼灣地帶 · 東角LAFORET x 櫻桃小丸子 Happy Together 冬日舞會】,現場唔單止有4大打卡位,仲有期間限定店驚喜發售聯乘德國百年經典品牌Steiff限量公仔!

4大冬日舞會打卡位

開Party當然要大影靚相留下紀念!「聖誕舞會大廳」中有掛滿小丸子掛飾嘅2.4米高聖誕樹屹立,更有印上小丸子鬼馬表情嘅1.5米高「古靈精怪禮物盒」,為大家送上聖誕驚喜!

舞會又點少得聖誕大餐?餐桌上放滿巨型火雞等豐富嘅應節食物,以及小丸子造型嘅餐具,等大家可以一齊「與杉山及大野共進聖誕大餐」!

最後仲有「野口同學的小角落」,野口同學將會同大家分享佢觀察到嘅有趣事情,令冬日舞會更有樂趣。

期間限定店驚喜發售超過100款全新《櫻桃小丸子》精品

影完靚相記得要去埋期間限定店帶埋小丸子返屋企呀!今次期間限定店將會驚喜發售聯乘德國百年經典品牌Steiff限量公仔,以及超過100款全新禮品!皇室堡、銅鑼灣地帶及東角LAFORET仲為大家送上聖誕禮物,精心預備咗「『皇室堡 x 櫻桃小丸子』驚喜座檯月曆禮盒」及「『銅鑼灣地帶 · 東角LAFORET x 櫻桃小丸子』迷你冬日保溫杯」,大家記得唔好錯過喇!

【週末親子遊】旺角新開幕18,000呎大型遊樂場 50米全港最長攀爬牆