聖誕好去處 — 仲有一個月就到聖誕節,各位媽媽爸爸們諗好帶小朋友去邊到放電未呢?今個冬日挪亞方舟就以「螢幻聖誕大激玩」為主題,為大家帶嚟多個刺激又驚喜嘅「螢」格體驗,唔單止可以比小朋友挑戰自我潛能,仲特設展館可以邊玩邊學,絕對會為一家大細帶嚟歡樂又充實嘅聖誕節!
聖誕好去處 — 挪亞方舟冬日限定體驗 螢光障礙賽/高卡車/空中索道
今個聖誕節,位於馬灣嘅挪亞方舟特別呈獻「螢幻聖誕大激玩」,一連串集玩樂、教育嘅精彩活動定會令小朋友樂而忘返!
活動期間,小朋友將會化身為神射手勇闖螢光基地,展開一場結合激Fun鐳射槍體驗與螢光障礙賽嘅大挑戰,考驗小朋友眼界、身手及智慧,破解謎團。小朋友仲可以變身為小車手,駕著夜光遙控車穿越漆黑森林秘景內探險,啱晒富有冒險精神嘅小朋友!
![](https://1283385405.rsc.cdn77.org/wp-content/uploads/2021/11/2.--1024x683.jpg)
![](https://1283385405.rsc.cdn77.org/wp-content/uploads/2021/11/3.--1024x683.jpg)
想加倍刺激仲可以玩埋「空中奇遇索道」,一邊飽覽馬灣海峽嘅壯觀景致,一體鍛鍊膽量、體驗極速穿梭嘅自由快感!不過要注意「空中奇遇索道」只適合合7歲或以上及身高110厘米或以上之人士參加。
![](https://1283385405.rsc.cdn77.org/wp-content/uploads/2021/11/8.--1024x781.jpg)
讓小朋友發揮創意 夢幻夜燈/霓虹燈/聖誕啤啤熊工作坊
除咗充滿動感嘅刺激玩樂設施,挪亞方舟亦為大家準備咗靜態活動,包括夢幻夜燈藝工房、創意霓虹燈手作坊及聖誕啤啤熊製作室,等小朋友可以發揮無限創意,自製獨一無二嘅特色夢幻夜燈、霓虹燈飾及啤啤熊,為家居添上窩心節日氣氛。
![](https://1283385405.rsc.cdn77.org/wp-content/uploads/2021/11/4.--1024x683.jpg)
![](https://1283385405.rsc.cdn77.org/wp-content/uploads/2021/11/5.--1024x683.jpg)
![](https://1283385405.rsc.cdn77.org/wp-content/uploads/2021/11/6.--1024x683.jpg)
大自然打卡之旅 全港首個大自然主題光影互動展館
全港首個大自然主題光影互動展館「e-Planet夢想星球」劃分成4大展區—森林、海洋、四季及未來城市,大家可以透過嶄新嘅數碼光、影、音技術,探索及體驗大自然生態嘅獨特美,更可以置身其中嘅冬日場景,過一個白色聖誕節!
![](https://1283385405.rsc.cdn77.org/wp-content/uploads/2021/11/7.-e-planet--1024x683.jpg)
浩瀚「宇宙漫遊記」Staycation 「星級」打造酒店主題房
玩足全日、驚小朋友嗌攰唔願走,一於book埋挪亞方舟度假酒店同小朋友Staycation啦!酒店設有多間創意主題房,其中主題房「宇宙漫遊記」以太空為主題,12月更會特意加上星光夜燈投影器,將閃爍嘅各款星球及太空圖案投射到客房裡不同角落,令大家尤如置身於宇宙中,激發小朋友對宇宙奧秘嘅好奇心。
![](https://1283385405.rsc.cdn77.org/wp-content/uploads/2021/11/9.--1024x683.jpg)
挪亞方舟「螢幻聖誕大激玩」
日期:2021年12月1日至2022年1月2日(逢星期六及日及公眾假期)
時間:10:00am-6:00pm
地點:香港新界馬灣珀欣路33號
詳情:http://www.noahsark.com.hk
【週末親子遊】旺角新開幕18,000呎大型遊樂場 50米全港最長攀爬牆
![](https://metroeducationplus.com.hk/wp-content/uploads/2021/11/OG_%E9%80%B1%E6%9C%AB%E8%A6%AA%E5%AD%90%E9%81%8Atemplate.png)