聖誕好去處 — 童星點心麵 唔單止可以食，而家仲有得玩！日本官方認可、香港首個「童星點心麵樂園」已經登陸沙田中心．沙田廣場同屯門時代廣場喇！以日本經典零食「童星點心麵」為主題嘅日本三重縣「童星點心麵樂園」其實早於2019年開幕，不過疫情關係令大家無法飛到當地參觀，但而家喺香港都有得一睹歡樂氣氛，吉祥物星太郎更首次衝出日本，喺香港駅打造期間限定「童星Baby Star製麵廠」，絕對係今個 聖誕 好去處 ，啱晒同小朋友去 打卡 、親手整獨一無二嘅點心麵杯！
聖誕好去處 —全港首個聖誕主題樂園 「童星點心麵樂園」登陸沙田、屯門
今次沙田中心．沙田廣場及屯門時代廣場參照位於日本三重縣嘅全日本最大室內遊樂場「童星點心麵樂園」打造全港首個聖誕主題樂園—「恒基兆業商場x 童星點心麵玩味樂園Oyatsu Land – 香港駅」，場內不但設有多個打卡位，更特設期間限定「童星Baby Star製麵廠」，除咗可以帶走自家製小食之外，仲可以喺「童星點心麵」DIY照相館設計獨一無二嘅相片，將你同小朋友之間嘅甜蜜回憶記錄低。
玩味十足「七彩童星點心麵滑梯」 必影3米高吉祥物星太郎、DIY照相館
「七彩童星點心麵滑梯」係日本「童星點心麵樂園」內最歡迎嘅遊樂設施，今次將會於沙田中心．沙田廣場按比例「神還原」！「七彩童星點心麵滑梯」以童心點心麵Baby Star杯造型設計而成，足足有2.7米高，於滑梯瀡出嚟更會見到首次以聖誕老人打扮現身嘅星太郎，聖誕氣氛濃厚。
至於接近3米高嘅「三代目」吉祥物「巨型星太郎」就登陸屯門時代廣場，大家可以擁抱放大10倍嘅「放大童星點心麵杯」拍攝得意造型照，同時仲有「童星百變時間廊」展出7款經典點心麵，當中更有僅在日本發售嘅豬仔湯麵絕密曝光，等大家可以一次過回顧童星點心麵逾60年嘅演變。
鍾意影相嘅朋友記得唔好錯過玩味十足嘅「童星點心麵」DIY照相館，影完相後可以自選星太郎或其他聖誕貼圖，設計專屬嘅聖誕期間限定個人化「童星點心麵」，最後scan一scan QR code就可以下載照片留念咖喇！
期間限定「童星Baby Star製麵工廠」 獲取日本限量直送點心麵杯
除咗有嘢玩、有相影，各位H．COINS會員仲可以憑指定消費換領「童星Baby Star製麵工廠」遊戲券，親身了解日本工廠製作「童星點心麵」嘅過程。完成遊戲後仲可以獲得日本版「童星點心麵」乙包，仲可以隨機夾取日本三重縣人氣「童星點心麵樂園」直送的官方「童星點心麵杯」，製作出獨一無二嘅童星點心麵聖誕禮物，絕對係今個聖誕必去嘅主題樂園之一！
恒基兆業商場 x 童星點心麵聖誕玩味樂園OYATSU LAND香港駅
日期：即日起至2022年1月2日
時間：10:00am – 10:00pm
地點：沙田中心L3大堂（譚仔雲南米線對出）、屯門時代廣場南翼L1大堂
童星點心麵DIY照相館
日期：即日起至2022年1月2日
時間：10:00am – 10:00pm
地點：沙田中心L3大堂（譚仔雲南米線對出）、屯門時代廣場南翼L2 (扶手電梯旁)
童星Baby Star製麵工廠
日期：2021年11月13、14、20、21、27、28日 及12月4、5、11、12、18、19、24、25、26、27日及2022年1月1日、2日 （共18日）
時間：12:00nn – 8:00pm
地點：沙田廣場L3（扶手電梯旁，創輝珠寶對出）、屯門時代廣場南翼L1大堂
換領時間：12:00nn – 7:00pm
換領地點：沙田中心L3禮賓部、屯門時代廣場南翼 L3禮賓部
參加方法：H．COINS 會員於活動開放期間，以電子貨幣即日單一消費滿HK$150，憑商戶發出的即日電子機印發票，連同相符的正本電子貨幣顧客付款交易存根，即可換領「童星Baby Star製麵工廠」遊戲券乙張。憑遊戲券可到即日遊戲區參加遊戲乙次。(每人每日只限參加乙次。每日名額150個，數量有限，先到先得，送完即止。遊戲受條款及細則約束，詳情請參閱遊戲券背面之條款及細則。)
【 聖誕好去處 】沙田特色歐陸美食嘉年華 5大粉紅打卡專區+任玩攤位遊戲
