【 聖誕好去處 】沙田特色歐陸美食嘉年華 5大粉紅打卡專區+任玩攤位遊戲

聖誕好去處 — 講起聖誕,唔少人都會諗起歐洲五光十色嘅聖誕市集。雖然而家未有得飛去當地感受濃厚嘅聖誕氣氛,但喺香港一樣可以行充滿歐陸風格嘅聖誕市集!今年沙田新城市廣場以比利時布魯塞爾聖誕市集為創作靈感,舉行【Sweetmas Carnival & Market】歐陸聖誕甜蜜嘉年華,有卡打又有攤位遊戲玩,絕對係今個 聖誕好去處 之一!

聖誕好去處 — 特色歐陸美食嘉年華登陸沙田 5大打卡位+糖果主題攤位遊戲

沙 田新城市廣場今年特別將比利時兩大浪漫元素—甜品聖誕市集及著名童話小鎮布魯日,以糖果色系作設計主調,打造出夢幻歐陸聖陸市集。【Sweetmas Carnival & Market】將嘉年華必備嘅遊樂設施變身成5大童話風打卡專區,分別有「玫瑰星球旋轉木馬」、「閃耀聖誕樹大道」、「雲間摩天輪」、「飄夢熱氣球」以及「戀戀玫瑰園」,令人仿如置身於歐洲經典聖誕市集!

行聖誕市集當然唔少得打卡環節!【Sweetmas Carnival & Market】特別為大家帶嚟中世紀精緻街,屋內設有3 個甜度超標嘅放閃自拍場景,包括:「雲飄飄空中月」、「融愛雪糕球」和「紅粉花牆鞦韆」,等大家可以大影特影!

除咗有得瘋狂打卡,大家仲可以大玩攤位遊戲,盡情沈澱於歡欣聖誕市集當中。大家只要憑慈善捐款或會員積分,即可參加4大必玩攤位遊戲:「Happy Rainbow」、「Candy Scoop」、「Toss The Color Cup」和「Rings Toss」,捐款將全數撥捐支援照顧者嘅慈善機構「大銀力量 Big Silver」,為一眾未能出外感受佳節氣氛嘅照顧者送上暖心祝福。小朋友又有得玩,又可以做善事,一舉兩得。想親手DIY聖誕禮物仲可以參加「聖誕愛心工作坊」,以韓式線香製作薑餅人、雪人、聖誕葉果等形狀嘅聖誕特色香薰,令自己可以喺繁忙又急促嘅生活中重新調整身心靈狀態。

雲集本地創意品牌 「Sweetmas美食市集」全方位滿足味蕾

布魯塞爾聖誕市集是甜品控嘅天堂,新城市廣場就精挑細選出多個超人氣本地創意品牌坐陣「Sweetmas美食市集」,無論係蛋糕、麵包、果醬、朱古力以至節日特飲及美酒,通通都應有盡有,全方位滿足各位甜心!

【新城市廣場Sweetmas Carnival & Market】歐陸聖誕甜蜜嘉年華及「Sweetmas美食市集」詳情
日期: 2021年11月5日至2022年1月2日
時間: 中午12時至晚上10時
地點: 沙田新城市廣場一期一樓羅馬圓型獻技場、一期一樓東翼(近PizzaExpress)及三期三樓
(近Lush)
入場費: 免費

【新城市廣場Sweetmas Carnival & Market】歐陸聖誕甜蜜嘉年華遊戲攤位
日期: 2021年11月5日至2022年1月2日
時間: 下午1時至晚上9時
地點: 沙田新城市廣場一期一樓羅馬圓型獻技場及三期三樓 (近Lush)
入場費: 捐款10元予慈善機構大銀力量或The Point會員以200積分即可參加其中1個遊戲攤
位。

「聖誕愛心工作坊」活動詳情
日期: 2021年12月11及18日
時間: 下午3-4時
地點: 沙田新城市廣場一期一樓1期1樓親子學堂
參加辦法: 捐款50元予慈善機構大銀力量或The Point 會員以3,000積分即可參加。

【聖誕好去處】姆明家族突襲銅鑼灣 3大營地打卡位+獨家限定主題商品上架