聖誕好去處 — 涼爽舒適嘅天氣最適合就係去Camping，不過而家唔使攀山涉水都可以出遊Camping享受冒險樂趣，事關姆明帶埋一班好友小美、史力奇嚟到銅鑼灣時代廣場開設「Moomin – The Spirit of Adventure」期間限定店，現場有3大全新營地打卡位之外，仲有多款獨家限定主題商品，相信大人小朋友都會滿載而歸！
聖誕好去處 — 姆明期間限定店登陸銅鑼灣 3大營地打卡位+獨家限定精品
一向鍾意冒險嘅姆明今個聖誕揹着大背包，帶齊充足裝備同成班好友嚟到銅鑼灣時代廣場同大家歡度聖誕。今次「Moomin – The Spirit of Adventure」期間限定店特設3大打卡位，以充滿北歐風嘅小木屋為設計藍本，加埋揹住大背包、整待待發嘅姆明，出發冒險前梗係要影返張大合照啦！
露營當然唔少得野炊呢個重要環節，史力奇、小美同歌妮將會喺呢到同大家烹調美食，溫馨場面可以充份感到姆明谷之美。
最後仲可以同姆明體驗森林露營，暫時放下忙碌日常，喺帳篷、地墊上瘋狂打卡，好好補充體力、叉滿電再繼續後續旅程！
除咗可以同姆明大影特影之外，「Moomin – The Spirit of Adventure」期間限定店特設仲為大家搜羅咗一系列限定主題精品，露營好物、擺設裝飾等等應有盡有，多元化嘅精品用嚟個人收藏又或用嚟做聖誕禮品都極之適合！
同場仲有多個人氣卡通精選專區及大量聖誕應節商品，包括日本殿堂級動畫大師宮崎駿系列、韓迷大愛嘅KAKAO FRIENDS、受歡迎程度持續高企嘅LINE FRIENDS、多年來深受大家喜愛嘅Sanrio系列，仲有小王子、Snoopy、角落生物、LULU豬、各款日本吉祥物等等，包大家買得過癮，提前為聖誕佳節做足準備！
「Moomin – The Spirit of Adventure」詳情
日期： 即日起至2021年11月29日
營業時間： (星期日至四) 10:00am – 10:00pm / (星期五至六及公眾假期前夕) 10:00am – 11:00pm
地點： 銅鑼灣時代廣場地庫B1層
【聖誕好去處】miffy北歐冬雪藝術村登陸旺角！5大打卡位+聖誕市集限定精品
