不少港姐為咗提高自身嘅競爭力，亦有唔少港姐入行後會以半工讀形式繼續進修更高嘅學歷或完成之前未完成嘅學位，現年27歲嘅鄧卓殷亦唔例外。鄧卓殷成為香港小姐後其實已於香港大學建築系一級榮譽畢業，但入行後仍繼續進修並取得碩士學位！
Tag Archives: 香港小姐
TVB多年來出產多位女花旦，每位除咗有出眾嘅外形，出色嘅演技或口才外，其中更有許多曾到海外留學，更於當地完成大學學位，學歷高之餘，英文亦都好Talk得，當中過半數女藝人更係就讀外國名牌大學，為倫敦大學學院及英屬哥倫比亞大學畢業生。
麥明詩中學喺香港讀拔萃女書院，會考奪得10A佳績，預科到英國讀書，大學以優秀成績入讀劍橋大學法律系，除咗學歷豐富，工作履歷亦非常亮眼，曾於外國不少國際企業擔任顧問服務及項目經理一職，2015年參加香港小姐奪得冠軍，其學歷背景成為焦點之一。
近年活躍於TVB不同電視節目嘅黃子桐，唔只身材外貌討好，而且更係學霸一名，受師姐朱千雪、麥明詩影響，堅持不為加入娛樂圈而與世界脫節，即使原本已為香港大學畢業行，入行後再半工讀進修，將兩年課程濃縮至一年完成，最終修畢整個香港中文大學碩士課程，才貌兼備！
擔演TVB台慶劇《超能使者》其中主要角色之一嘅港姐亞軍劉穎鏇，今年入行第6年，演出多部劇集，除咗擁有優美嘅身材，其實仲係運動健將同美國大學畢業嘅大學生，當年選完港姐後堅持完成大學學位，以網上課程形式上堂，並以半工讀形式完成學士學位，認真叻女！
郭柏妍2020年選香港小姐入行，入行僅兩年已有機會拍攝電視劇並成為主要角色之一，入行後半工讀於香港大學進修食物安全管理碩士課程，中學讀書時活躍於多個課外活動包括游泳、步操樂團等，非常叻女！
張嘉兒自小於加拿大成長讀書，2007年前往香港參加香港小姐競選並奪得冠軍，曾加入TVB發展演藝事業，後來結婚誕女漸淡出幕前，但仍然身兼多職，除咗係一位媽媽及香港小姐，更係一位正面管教工作坊認證講師 、母乳餵哺教室作者及一名YouTuber，不時於社交媒體上分享育兒心得，絕對係一位稱職嘅女強人媽媽！
最近TVB熱播中嘅《美麗戰場》，其中何依婷嘅演出真係令人刮目相看！何依婷入行四年，香港小姐出身，接受藝員訓練班培訓，但原來入行前係一位金融服務顧問，學生時期更係一位學霸，考獲獎學金資助前往美國史丹福大學交流，畢業後入Big4會計事務所工作
近日TVB播放嘅《美麗戰場》，焦點除咗有陳瀅，仲有港姐冠軍陳曉華，入行僅四年即可登上主角之位，可見演藝前途一片光明，陳曉華喺劇中所飾演單純天真嘅林小美，其實戲外原本都係一個充滿愛心嘅護士，於中文大學護理系畢業，後來為咗跳出Comfort Zone 參選港姐更加入TVB成為女演員。
唔少香港小姐都曾經出國讀過書，有「東張女神」之稱嘅陳庭欣亦唔例外，中三時到英國讀書，大學讀曼徹斯特大學，回港後從事過獵頭工作及西裝專家，直至2010年選香港小姐奪冠後入行，由公屋出身，搖身一變已成為3000呎九肚山豪宅嘅住客。
