開學不久，對一些年幼的小孩子來說或許仍在適應，或許出現不想上學而鬧情緒的情況，主持人黎莉與ABC Pathways負責人Bally在節目《人仔細細》探討如何處理小朋友上學扭計的情況。

The post 孩子扭計唔返學 與其強迫不如這樣做 appeared first on 新城教育+.

一年一度的開課日子又來了，Creche 和PN （2歳）班的小朋友年紀小，早前因為疫情的關係，出世後都待在家中，不太敢外出，與其他人相處的機會都大大減少。因此家長們都帶著額外的擔心來到我們面前，怕的是小朋友一下子不適應與同伴相處。

以2020年度為例，學校有一個特別有助適應學校生活的一個安排，就是從開學前每班的老師都安排了家長和學生一起在Zoom會見了三位班主任，讓孩子先認識老師們。九月起學校便開始和學生們有Zoom課堂的互動學習，學生在三個星期的時間裏已經和老師見面，透過一起互動遊戲，開始了適應第一天上學的生活。

而校方又怎樣呢？我們也盡量與家長互相配合，盡力保護孩子能在變動中適應學習。學校在學生回校前，準備了一系列短片給家長，如學校環境導賞、抗疫設備介紹等，讓小朋友熟悉學校環境。

我們開學頭三天是親子適應小組活動，每班分組一小時親子上課，讓孩子開心和爸媽一起適應新環境和新同學玩耍。第四天孩子開始要自己上學，若他哭着不要自己去幼兒園，怎辦呢？家長們應該怎樣處理？

這個時候家長可以試試下面三個步驟去處理。

第一步驟是取得共鳴，跟孩子說：媽媽知道上幼兒園不容易，媽媽不在身邊，甚麼都和家裏不一樣，對不對呀? 

第二步驟是接納他的情況：「你不習慣新的環境和老師，也不想不想和其他小朋友玩遊，你只想抱著媽媽、只想哭？這都正常，媽媽知道。」

第三步驟要作出鼓勵：「你能做到堅持上學，便很了不起，媽媽相信有一天，你會愛上幼兒園的。」被接納之後，孩子的內心得到了莫大的安慰，原來媽媽知道我的處境，原來我的表現很正常，我有信心做得更好。

被無條件的接納所有才可建立孩子的安全感，這才能激發孩子的勇氣和信心的關鍵。不要指望一次見效，這三個步驟要反復地執行，他才能堅定的成長。

做好以上的三個步驟後，下一篇會和大家分享一個右腦的誘導方法。

相關文章

The post 【優材早教｜何容雅瑩校監】讓孩子輕鬆愉快地上幼兒園 (上) appeared first on 新城教育+.

BB加固後會瞓差咗？曾經聽過唔少人話，只要夜晚嗰餐餵多啲固體食物畀BB，佢哋夜晚就會瞓得好好，可以瞓過夜。其實，咁樣唔係必定會令小朋友瞓得更好架，更有可能會帶嚟反效果，一齊聽下嬰幼兒睡眠顧問 Cheryl Chan講解！

過多固體食物 反而令BB難於消化

BB出世頭一年，奶是主要的營養來源，固體食物只是一個輔助角色，在幫助小朋友慢慢過渡進食更多元化食物。BB胃仔好細，消化系統正在發展中，如果強迫在晚餐食太多固體食物，消化系統就要晚晚開OT`進行消化。反而有機會令BB肚仔唔舒服，而影響睡眠，扎醒嘅機會隨之增加。情況就似，晚晚食buffet食到好飽去瞓覺，個胃自然頂住頂住，瞓著都覺得辛苦！

加固需循序漸進

加固係嬰幼兒嘅必經階段，但要循序漸進，令BB慢慢適應。一般剛剛開始加固體食物嘅時候，可盡量於日間午餐時段引入固體食物，一來可以更容易知道BB會唔會對某種食物有敏感，二來亦可以令佢哋有更多時間消化固體食物。

所以，夜晚食到好飽並唔一定代表BB可以瞓得好好！記得要按照BB嘅需要餵食，而供應某個份量嘅奶/食物，但係BB可唔可以食得晒，就由佢話事!

嬰幼兒睡眠顧問 Cheryl Chan
Cheryl從事教育工作多年，其後成為認可的嬰幼兒睡眠顧問，亦是國際嬰幼兒睡眠顧問協會 (IACSC)的會員。Cheryl開設「Jovial Sleepers – 嬰幼兒睡眠諮詢」， 提供睡眠諮詢服務及為父母而設的網上嬰幼兒睡眠課程，協助父母解決嬰幼兒睡眠問題，提升小朋友和父母的睡眠質素。Cheryl相信「寶寶瞓得好，爸媽就少煩惱」，希望幫到更多家庭，讓大家都可以有覺好瞓。
Facebook 專頁 : Jovial Sleepers – 嬰幼兒睡眠諮詢 （IG: jovialsleepers）

相關文章
育兒百科 ｜ 幼兒應該幾時戒奶嘴？
育兒百科 ｜ 讓幼兒用奶嘴的利弊
育兒百科 ｜ 使用小夜燈可讓BB安睡？

The post 育兒百科 ｜ 固體食物會令BB瞓耐啲? appeared first on 新城教育+.

相信每一對父母都想BB瞓得好，擔心BB怕黑，一旦熄晒房間所有燈，便會影響BB嘅睡眠質素。有鑑於此，坊間有不少家長推薦使用安睡小夜燈幫助BB入睡，但其實對於2歲以下嘅BB嚟講，夠黑嘅房間先係BB最佳嘅睡眠環境，究竟點解？一於聽下嬰幼兒睡眠顧問 Cheryl Chan講解！

黑暗環境有助BB睡眠

Cheryl 表示其實BB根本唔怕黑，房間夠黑，BB先會感到舒服及安穩，因為黑漆漆嘅睡房與媽媽肚內相似，相當有安全感。而且黑暗嘅環境有助分泌褪黑激素(melatonin)，褪黑激素係一種睡眠荷爾蒙，可以令BB較易入睡。

2-3歲嬰幼兒易「怕黑」

嬰幼兒至少需要到達2至3歲，才有可能出現「怕黑」嘅情況，因呢個年齡嘅BB會開始有更多嘅想像力，所以當小朋友到達幼兒階段時，如對黑暗嘅房間感到不安及恐懼，光線微弱嘅小夜燈的確可以幫到手，但切記絕非五光十色嘅小夜燈。

小夜燈對BB睡眠的影響

由於五光十色嘅小夜燈所散發嘅光線，多以白光及藍光為主，會干擾BB睡眠，並抑壓睡眠荷爾蒙分泌，反而令他們更難入睡。尤其當媽媽半夜為BB餵奶時使用此類型產品，BB可能會因而受到光線刺激，飲完奶後更難再次入睡。

圖片來源：omgggg.com

嬰幼兒睡眠顧問 Cheryl Chan
Cheryl從事教育工作多年，其後成為認可的嬰幼兒睡眠顧問，亦是國際嬰幼兒睡眠顧問協會 (IACSC)的會員。Cheryl開設「Jovial Sleepers – 嬰幼兒睡眠諮詢」， 提供睡眠諮詢服務及為父母而設的網上嬰幼兒睡眠課程，協助父母解決嬰幼兒睡眠問題，提升小朋友和父母的睡眠質素。Cheryl相信「寶寶瞓得好，爸媽就少煩惱」，希望幫到更多家庭，讓大家都可以有覺好瞓。
Facebook 專頁 : Jovial Sleepers – 嬰幼兒睡眠諮詢 （IG: jovialsleepers）

相關文章
育兒百科 ｜ 幼兒應該幾時戒奶嘴？
育兒百科 ｜ 讓幼兒用奶嘴的利弊

The post 育兒百科 ｜ 使用小夜燈可讓BB安睡？ appeared first on 新城教育+.

好多時爸爸媽媽都會有一個疑問，就係到底應唔應該畀BB用奶嘴？奶嘴究竟好定唔好？ 其實安撫奶嘴係一種中性工具，冇絕對好或唔好，俾唔俾BB用奶嘴可以視乎好多因素，例如爸爸媽媽對安撫奶嘴嘅觀感。 正面對呢個問題嘅父母，一於聽下嬰幼兒睡眠顧問 Cheryl Chan分享奶嘴嘅利弊。

奶嘴利弊

奶嘴可以…

• 1. 滿足BB吸啜嘅慾望
• 2. 預防嬰兒猝死症 (SIDS)
• 3. 令BB安靜同滿足，幫助入睡
• 4. 令父母更容易安撫正在哭鬧嘅BB

不過，奶嘴亦可以…

• 1. 容易令初生BB將乳頭同安撫奶嘴混淆，影響吸啜母乳
• 2. 阻礙父母同BB溝通，令父母無法了解BB真正需要
• 3. 增加BB患上中耳炎、腸胃感染或者鵝口瘡嘅風險
• 4. 有機會影響牙齒發展，可能會影響咀嚼功能發展或造成語言發展遲緩
• 5. 令BB產生過分依賴，導致瞓覺時頻頻扎醒，影響睡眠質素
  

嬰幼兒睡眠顧問 Cheryl Chan
從事教育工作多年，其後成為認可的嬰幼兒睡眠顧問，開設「Jovial Sleepers – 嬰幼兒睡眠諮詢」， 提供睡眠諮詢服務及為父母而設的網上嬰幼兒睡眠課程，協助父母解決嬰幼兒睡眠問題，提升小朋友和父母的睡眠質素。Cheryl相信「寶寶瞓得好，爸媽就少煩惱」，希望幫到更多家庭，讓大家都可以有覺好瞓。
Jovial Sleepers – 嬰幼兒睡眠諮詢 （IG: jovialsleepers）

育兒百科 ｜ 幼兒應該幾時戒奶嘴？

The post 育兒百科 ｜ 讓幼兒用奶嘴的利弊 appeared first on 新城教育+.

「我想訓練BB去到邊都瞓得到，可以嗎？」、「BB好似去邊都瞓得著，咁樣係好定唔好？」唔知你地對上述問題有咩睇法？ 正面對呢個問題嘅父母，一於聽下嬰幼兒睡眠顧問 Cheryl Chan分享！

每隔一段時間我都收到媽媽們問類似嘅問題，今日想同大家從嬰幼兒睡眠發展嘅角度分享下我嘅睇法。對於以上兩個提問，答案主要視乎兩個因素。

1. 月齡

初生階段嘅BB大多都較容易瞓得著，佢哋坐住BB車或者父母用孭帶孭住，搖下搖下咁，去到咩地方都好容易瞓到 ；去到大約一歲半後，小朋友嘅睡眠發展越嚟越成熟，都會較容易出街時候喺BB車瞓耐啲。

2. 外在環境敏感度

不得不否認，有啲BB天生對事物敏感度較低，相對冇咁容易受外在因素影響，所以佢哋未必需要特別多嘅配合，經已可好輕鬆喺BB車 / car seat / 孭帶度瞓好耐。 但好多BB對周遭嘅事物同聲音特別敏感，去到唔同地方，見到嘅畫面同聽到嘅聲音唔同咗，佢哋就比較難入睡同安睡。

做咗爸爸媽媽後，梗係想有社交生活，想去街就去街，想同朋友食飯就食飯，所以如果BB真係可以去到邊都瞓到，大人出街唔會影響佢哋嘅作息，咁就係完美啦！

不過，正如上述所講，能唔能夠做到都要睇唔同因素。行內冇一套特定方法訓練BB去到邊都瞓得到。始終喺穩定、平靜嘅環境下瞓覺，BB嘅睡眠質素係最好。出街就算瞓到，睡眠質素都會大打折扣。

當然， BB仔都可以出街，同埋應該要出下街嘅，所以父母應該喺出街同休息之間取得平衡。我一般建議父母可以安排有80%嘅日子，俾BB喺屋企有一致嘅作息環境，20%嘅日子帶BB出去睇下嘢，對嬰幼兒作息影響減到最低。

仲有一點大家要留意，如果你嘅小朋友經常一出街搖下搖下就秒睡，但係總係瞓吓醒下咁，就要留意小朋友平時嘅休息是否足夠，以致佢哋經常好快斷電好容易恰着。

嬰幼兒睡眠顧問 Cheryl Chan
從事教育工作多年，其後成為認可的嬰幼兒睡眠顧問，開設「Jovial Sleepers – 嬰幼兒睡眠諮詢」， 提供睡眠諮詢服務及為父母而設的網上嬰幼兒睡眠課程，協助父母解決嬰幼兒睡眠問題，提升小朋友和父母的睡眠質素。Cheryl相信「寶寶瞓得好，爸媽就少煩惱」，希望幫到更多家庭，讓大家都可以有覺好瞓。
Jovial Sleepers – 嬰幼兒睡眠諮詢 （IG: jovialsleepers）

育兒百科 ｜ 幼兒應該幾時戒奶嘴？

The post 育兒百科 ｜ 可以訓練BB去邊都能安睡嗎？ appeared first on 新城教育+.

嬰兒時期究竟應該幾時幫BB戒奶嘴？太早戒又驚BB唔適應，太遲戒又怕BB有咗依賴性。正面對呢個問題嘅父母，一於聽下嬰幼兒睡眠顧問 Cheryl Chan分享！

四至七月大戒奶嘴最易

其實幾時戒奶嘴同俾唔俾BB食奶嘴一樣，都好取決於父母嘅選擇。不過，喺唔同階段戒奶嘴，方式會唔一樣，容易程度都會有少許差別。喺BB四至七月大嘅時候，戒奶嘴相對容易，雖然部份BB喺呢個階段會開始依賴奶嘴入睡，但係佢哋學習能力好快，只要做好準備，BB好快就可以學習用其他方式入睡。

七至八個月大戒奶嘴較難

而美國兒科醫學會亦建議，當BB六個月大嘅時候，父母應該限制或停止讓BB使用安撫奶嘴。當BB七至八個月大之後，戒奶嘴嘅難度會相對增加，因為BB對呢種安撫工具嘅依賴性變得越來越強，好多時除咗入睡嘅時候需要奶嘴，瞓醒亦可能都需要有奶嘴陪伴在側。 所以當BB越來越大，爸爸媽媽好多時都要有一定嘅決心同耐性先可以成功幫BB戒奶嘴。

如果去到九至十個月大，BB依然有食奶嘴嘅習慣，好多時就會等佢哋再大啲，去到2-3歲左右再戒奶嘴。因為當小朋友大咗，認識嘅嘢多咗，爸爸媽媽可以用各種方式幫佢哋同奶嘴道別，戒奶嘴嘅過程會相對容易！

嬰幼兒睡眠顧問 Cheryl Chan
從事教育工作多年，其後成為認可的嬰幼兒睡眠顧問，開設「Jovial Sleepers – 嬰幼兒睡眠諮詢」， 提供睡眠諮詢服務及為父母而設的網上嬰幼兒睡眠課程，協助父母解決嬰幼兒睡眠問題，提升小朋友和父母的睡眠質素。Cheryl相信「寶寶瞓得好，爸媽就少煩惱」，希望幫到更多家庭，讓大家都可以有覺好瞓。
Jovial Sleepers – 嬰幼兒睡眠諮詢 （IG: jovialsleepers）

The post 育兒百科 ｜ 幼兒應該幾時戒奶嘴？ appeared first on 新城教育+.