【Steam爸教學|Hewego】 9V電池 的3個實驗真相

9V電池實驗真相

近日喺網絡上,有唔少同 9V電池 有關嘅大熱實驗影片出現,包括品嘗電流、產生水龍捲同點火!到底呢啲實驗係真定係假? 喂爸同兩位小朋友 Miles、Wyatt​ 同大家嚟個「大踢爆​」!實驗過程可能有少少危險,記得有家長陪同先好做呀!

👨‍🔬今次我們需要準備以下工具,用嚟做 Fact Check​:

1. 9V電池兩塊
2. 玻璃杯,大開口嘅,約800ml容量
3. 食用鹽20g
4. 鋼絲絨(Steel Wool),約160g
5. 錫紙碟兩個(用以盛載鋼絲絨)
6. 攪拌棒(用筷子代替亦可)

👉實驗過程(品嘗 9V電池 電流😋)

1. 用消毒紙巾,清潔 9V電池,抹乾淨
2. 將電池的正負極,同時輕觸於舌尖上
3. 感受一下,有沒有麻麻地嘅感覺? 🤪

👉實驗過程( 9V電池 會產生水龍捲?)

1. 將玻璃杯,盛滿八成滿嘅水
2. 倒入食用鹽,用攪拌棒攪勻
3. 將 9V電池 嘅正負極,輕觸於水面
4. 電池到底有沒有令水龍捲出現?

👉實驗過程( 9V電池 可以點火🔥?)

1. 將鋼絲絨,放在錫紙碟上
2. 將 9V電池 嘅正負極,輕觸於鋼絲絨,持續一段小時間
3. 鋼絲絨有沒有燃燒起來?

(以下解釋原理,未做實驗嘅小朋友唔好睇住吖!)

原來都係電流作祟?

無論你係品「嘗完 9V電池 嘅麻麻味」定見到「鋼絲絨燃燒」,都係因為 9V電池 入面有輕易嘅電流所致!

人體與鋼絲絨都有「導電」嘅性質,當導電嘅物體與電池嘅正負極接觸,就會產生電流。雖然電池嘅電流十分微弱,但仍能足夠令大家嘅舌頭感到麻麻感;而幼細嘅鋼絲絨亦因為「電阻」而產出一定熱能,熱能讓鋼絲絨燃燒起來!

不過水龍捲嘅形成就同「電流」無乜關係,所以水龍捲實驗係假嘅!(不過水龍捲嘅形成都好有趣,下次有機會再同大家做相關嘅實驗!)

三位老豆,同佢哋嘅小朋友,成就同一個童年夢想🤲
👇如果覺得好睇,請讚好FOLLOW我哋👇
HEWEGO專頁:按我

HeWeGo係由三個識於微時嘅老豆級人馬於一次吹水聚會傾湊仔女經後,無心插柳嘅情況下開設嘅專頁。
眼見太太們已經為仔女其他事務大費周章,學習STEAM嘅重任就交俾爸爸吧!寓玩樂於學習幾時都係最輕鬆最容易去吸收知識嘅途徑,仲可以透過同仔女嘅互動,加深彼此嘅了解,互信同埋積累無數難忘嘅回憶。所以我哋決定將呢啲片段透過Hewego 既平台一一記錄,分享俾對各位父母同埋對STEAM有興趣嘅朋友。

【Steam爸教學|Hewego】探索香港 半月灣 甦醒對大自然的觸覺

Steam爸教學-Hewego-探索香港-半月灣-甦醒-大自然的觸覺
電子資訊服務

想了解更多教育及親子相關的資訊,可以訂閱「新城教育+」電子資訊服務。