提早放暑假，安排緊小朋友放假有咩做？除咗俾小朋友輕鬆娛樂，想小朋友都可以趁空閑時間學習一下，坊間都有各種免費嘅平台，中英數常乜都有，即刻bookmark 以下多個學習平台！
英文平台
KIZCLUB – Printable for Kids
平台提供學習字母、拼音、英文生字，仲有各種生活題材嘅工作紙、小手工、書本等。另外仲有動畫互動教學模式，由淺入深，唔怕悶親小朋友！
Kindergarten Worksheets
平台提供好多不同題型嘅工作紙，家長可以打印出嚟，如無影印機，都可使用網頁版。除咗學英文，仲可以學到數學及一般常識。
Funbrain
平台上嘅設計及學習元素都採用可愛嘅插畫，而且互動性強，種類繁多。除咗透過遊戲學習，更可透過影片及電子書本學習
British Council
平台提供不同形式讓小朋友學習英文生字、文法、串字，如歌曲、小故事、影片及遊戲等。小朋友睇完故事之後，平台更預備咗好多題目俾小朋友作答。
EduBuzz Kids
除咗有網站，更有youtube影片及手提電話App，除咗英文，仲可以學埋數學及科學。學習教材有分級別，分別係3至4歲、5歲、6歲及7歲。
中文平台
香港教育城：知文識趣
只要註冊成為會員即可享用網站裡面嘅學習遊戲，學生除咗可以學到中文基礎知識，仲可以學到古文、閱讀理解，提升中文能力及知識。
聽說讀寫小奇兵
「聽說讀寫小奇兵」由協康會團隊設計，適合幼稚園低班至初小兒童使用。兒童可以一邊開心玩遊戲，一邊鞏固聽說讀寫能力；家長亦可透過專家分享環節，掌握激發幼兒學習語文嘅趣味小點子。
生活學中文
此學習中文應用程式兼容iOS 及Android 。學習形式多樣化，內含100篇故事，形式包括動畫、漫畫及繪本故事。其中一個系列《體驗學習》為鼓勵學生於生活實際練習使用中文。
語你同行
iOS下載
注意：這軟件需使用平板電腦學習，只適用於iOS。
平台針對溝通困難嘅小朋友，程式包括語言發展評估、專業訓練及治療計劃，幫助小朋友提升語言、社交和溝通能力；內含350幅常用詞彙圖卡，共17個類別，有助小朋友增強語言能力。
