歡迎大家嚟到「HEWEGO」，又係我哋喂爸同馬仔，今次我哋會介紹一下，一個點都吹唔脹嘅氣球，你又知唔知點解點吹都唔會脹？原來同 逆行空氣 有關！
今次我們需要準備以下工具，用嚟做實驗：
1. 兩個膠樽，其中一個要戛（吉）一個小洞。
2. 兩個氣球（要唔同色）
實驗過程（空氣體積）：
首先，將兩個氣球放入膠樽入面，吹氣口套住樽口位，然後對準樽口吹氣。
之後，你就會發現，一個畀人戛（吉）穿咗嘅樽，入面嘅氣球就會脹起，而無畀人戛（吉）穿嗰個樽就會吹唔郁。
實驗原理（空氣體積）：
因為，空氣具有體積，會佔用空間，如果唔戛（吉）穿樽身，等原先喺入面嘅空氣先走出嚟，就會佔住啲空間，令氣球無法變大吹脹。所以當我哋戛（吉）穿樽身，畀空氣可以走出嚟，釋放樽內嘅空氣，就可以令氣球有空間變大！
HEWEGO專頁：按我。
HeWeGo係由三個識於微時嘅老豆級人馬於一次吹水聚會傾湊仔女經後，無心插柳嘅情況下開設嘅專頁。
眼見太太們已經為仔女其他事務大費周章，學習STEAM嘅重任就交俾爸爸吧！寓玩樂於學習幾時都係最輕鬆最容易去吸收知識嘅途徑，仲可以透過同仔女嘅互動，加深彼此嘅了解，互信同埋積累無數難忘嘅回憶。所以我哋決定將呢啲片段透過Hewego 既平台一一記錄，分享俾對各位父母同埋對STEAM有興趣嘅朋友。
更多STREAM教育資訊︰按我。
