歡迎大家嚟到「HEWEGO」，今集喂爸、Miles同JAY，教你如何在家中 造雲 ，唔洗出街都可以睇到大大舊雲！
今次我們 造雲 需要準備以下工具，用嚟做實驗：
1. 一個膠樽及其樽蓋，要督穿一個小洞（見影片）
2. 酒精約10ml
3. 手動氣泵
4. 防護裝備：實驗眼罩及工業防滑手套（每人一套）
實驗過程 ( 造雲 )︰
首先，我哋要將酒精全部倒入膠樽，然後轉一轉膠樽，等酒精可以均勻發輝喺膠樽入面，再閂好樽蓋。之後，用手動氣泵，將膠樽內部加壓，加壓至樽身變硬。然後一扭開樽蓋，膠樽內部馬上減壓，就會扭出一團團嘅「雲」！最後輕輕畀少少力，擠壓樽身，就可以吹出一團團嘅雲喇！
HEWEGO專頁：按我。
HeWeGo係由三個識於微時嘅老豆級人馬於一次吹水聚會傾湊仔女經後，無心插柳嘅情況下開設嘅專頁。
眼見太太們已經為仔女其他事務大費周章，學習STEAM嘅重任就交俾爸爸吧！寓玩樂於學習幾時都係最輕鬆最容易去吸收知識嘅途徑，仲可以透過同仔女嘅互動，加深彼此嘅了解，互信同埋積累無數難忘嘅回憶。所以我哋決定將呢啲片段透過Hewego 既平台一一記錄，分享俾對各位父母同埋對STEAM有興趣嘅朋友。
更多STREAM教育資訊︰按我。
