3年疫情令大家少咗夜出,政府推出「香港夜繽紛」活動,涵蓋娛樂、藝術、文化、消費等唔同主題,唔單止適合大人,連小朋友、家庭都啱,當中包括海洋公園夜探動植物、夜遊博物館等,一家人夜繽紛。
橫跨至2024年初
「香港夜繽紛」由中秋節起,橫跨國慶、萬聖節、聖誕節、新年,至2024年年初,適合不同年齡人士。一齊睇下有咩啱小朋友/親子啦。
文化藝術體驗
![親子好去處-香港夜繽紛-優惠](https://1283385405.rsc.cdn77.org/wp-content/uploads/2023/10/-4.jpg)
- 戲院推出夜場購票優惠,一家人睇戲更平。
![親子好去處-香港夜繽紛-優惠](https://1283385405.rsc.cdn77.org/wp-content/uploads/2023/10/-2-1024x768.jpg)
- 香港藝術館、香港科學館及香港太空館將帶來博物館夜遊體驗,並喺星期五、六、日及公眾假期延長開放時間至晚上 10 時。香港科學館將舉行「科普遊樂園」,設有唔同攤位遊戲,大家可以製作趣味小手工或親身嘗試唔同嘅科學實驗,感受科學趣味。香港太空館將化身成「星空遊樂園」,大家可喺天台用天文望遠鏡觀賞維港星光,仲可以喺展覽廳參與遊戲,認識天文知識。太空館天象廳會喺每個特別延長開放嘅晚上加開天象電影節目。
- 西九文化區 M+推出「M+夜不同」喺晚間舉行博物館夜間展廳活動和工作坊。
![親子好去處-香港夜繽紛-優惠](https://1283385405.rsc.cdn77.org/wp-content/uploads/2023/10/-9.jpg)
- 大館於未來六個月舉辦各項晚間表演及藝術展覽。
海濱休閒體驗
海濱場地將舉行一系列活動,包括美食和手信攤位、音樂演出、無人機表演、藝術廊展覽及電影放映等,一家人可以喺維港夜景下,享受唔同精彩晚間活動。
大自然體驗
![親子好去處-香港夜繽紛-優惠](https://1283385405.rsc.cdn77.org/wp-content/uploads/2023/10/-3.jpg)
海洋公園於黃昏時間舉行「夜趣自然遊蹤」,保育大使會帶領夜遊自然生態徑,俾參加者發掘園內唔同動植物晚間生態,了解香港生物多樣性。
節日體驗
![親子好去處-香港夜繽紛-優惠](https://1283385405.rsc.cdn77.org/wp-content/uploads/2023/10/-10.jpg)
- 兩大主題樂園分別舉辦萬聖節限定活動。海洋公園於哈囉喂全園祭活動舉行期間,入場人士可在園區暢玩至晚上7時。在「日連夜驚嚇體驗」日子(即10月13至15日、20至23日、27至29日及31日),公園開放時間將延長至晚上11時;香港迪士尼樂園即日至10月31日推出Disney Halloween Time 萬聖節活動,包括萬聖節主題表演和賓客體驗、限定餐飲和主題精品,以及節慶限定酒店主題房間佈置及體驗活動。
- 西九文化區的香港繽紛冬日巡禮將設置巨型戶外聖誕樹。香港旅遊發展局將舉行戶外倒數活動,以璀璨煙花迎接 2024 年的來臨。
![親子好去處-香港夜繽紛-優惠](https://1283385405.rsc.cdn77.org/wp-content/uploads/2023/10/-8.jpg)
- 2024年農曆新年全港15個年宵市場將復辦乾貨攤位,預料約1500攤位售賣年花、飾物、小食等。維園將設置特色攤位。年初一晚上亦將復辦戶外花車巡遊。年宵市場首三日會開放至午夜12時,而第四至六日則開放至翌日凌晨/清晨。
多元娛樂體驗
- 超過 80 個商場舉辦不同文化體育節目和室外夜間市集,並推出餐飲及消費優惠,以及為配合夜間活動延長營業時間。蘭桂坊協會逾百會員食肆及酒吧推出優惠。
![親子好去處-香港夜繽紛-優惠](https://1283385405.rsc.cdn77.org/wp-content/uploads/2023/10/-6-1024x768.jpg)
- 市民逢周三晚可免費進入跑馬地馬場公眾席,享受活力澎湃的「快活星期三」,享受一系列主題表演、啤酒園和美味佳餚。