10月1日係中華人民共和國成立74周年，為迎接國慶，政府與社會各界將推出一系列活動和優惠，包括小童免費乘港鐵和巴士、睇戲半價、康文署多個康體設施和濕地公園亦免費開放，親子一齊受惠！
精選12項優惠和活動
今次國慶活動和優惠涵蓋文化藝術、體育、交通、環保、漁農、飲食等方面，大家喺國慶日可以盡歡。最令人期待當然係闊別多年嘅國慶煙花匯演。以下十項優惠和活動，適合一家大小參與。
1.全港商業戲院在十月一日全日提供戲票半價優惠，一家大小去睇戲最開心。
2.香港濕地公園將於十月一日免費開放，適合一家人親親大自然。
3.「活化歷史建築伙伴計劃」下12個項目(大澳文物酒店、饒宗頤文化館、YHA美荷樓青年旅舍、香港浸會大學中醫藥學院—雷生春堂、綠匯學院、We嘩藍屋、石屋家園、香港新聞博覽館、香港青年協會領袖學院、大坑火龍文化館、薄鳧林牧場、何東夫人醫局‧生態研習中心)將由九月二十六日至十月八日提供不同優惠，包括安排或加強免費導賞團服務和免費工作坊，以及推出餐飲及住宿優惠，鍾意古蹟和歷史嘅小朋友唔好錯過。
4.市民於十月一日可免費乘搭輕鐵及港鐵巴士，以及所有電車路線。
5.小童八達通乘客可免費乘搭港鐵重鐵網絡服務，以及九巴和龍運巴士的日間巴士路線。
6.免費乘搭天星小輪「尖沙咀-灣仔」航線。
7.十月一日至七日於「本地魚菜直送」實體店或網店選購指定產品，可享七四折優惠，啱晒一家之「煮」嘅媽媽。
8.超過一千間食肆在十月一日當天就指定菜式或餐飲品提供折扣優惠。一家人開心出街食飯。
9.免費開放香港科學館和香港太空館的常設展覽（天象廳節目除外），以及香港科學館的專題展覽「天生我『材』──材料科學與設計」展覽。科學館和太空館都好啱小朋友參觀。
10.香港藝術館、香港文化博物館、香港歷史博物館、孫中山紀念館、茶具文物館、香港海防博物館、葛量洪號滅火輪展覽館、羅屋民俗館、李鄭屋漢墓博物館、上窰民俗文物館、香港電影資料館、三棟屋博物館、油街實現和香港視覺藝術中心免費入場。
11.免費開放康樂設施，包括：羽毛球場、網球場、籃球場、投球場、排球場、壁球場、公眾游泳池等，適合一家大小做運動。
12.個別機構、商場和街市推出不同購物優惠，例如香港仔街市推出特選購物優惠和送免費小禮品、免費即影即有拍照。
