今個月底就係中秋佳節，康文署陸續喺多區設置特色打卡位，各有唔同主題，包括有小朋友最愛嘅動物、玉兔。中秋綵燈會仲有傳統手工藝示範、猜燈謎和欣賞舞台歌舞表演等。中秋正日(9月29日)當晚更有大坑舞火龍，一家大小可體驗本港具代表性嘅節慶活動。所有活動費用全免！
「月亮製造機」走入月井
為響應「香港夜繽紛」，康文署於中秋節前後陸續推出多個綵燈會，打頭陣係香港文化中心露天廣場展示「月亮製造機」互動光影裝置。呢個裝置歡迎大家踏入月井，喺月光包圍下，大家可走進光影互動中，探索、想像和製造屬於自己嘅月亮故事！
維園綵燈會顯現非遺魅力
維園市區中秋綵燈會以「喜粵・光華」為主題，大家可以一次過飽覽多項非物質文化遺產，包括粵劇表演、傳統手工藝、舞火龍、猜燈謎等，體驗傳統中秋節。燈組除咗展示中國節氣四時嘅意韻和風貌，並通過巨型花牌和粵劇經典場景，帶大家看透舞台前後魅力。綵燈會亦有傳統花燈紮作技藝展示，大人小朋友可傳承香港非物質文化遺產手藝。
趣緻動物登陸沙田公園
沙田公園新界東中秋綵燈會以「河畔朗月共歡聚」為主題，活潑玉兔、趣緻動物燈組將於沙田公園登場，配以富中國文化特色嘅傳統手工藝示範、燈謎、傳統與創新兼備的舞台歌舞表演等，大家可一面賞燈，一面欣賞表演。
青年之夜將於9月27日喺沙田公園舉行，有本地年輕藝術家、「十八有藝」學員及藝團與地區團體合作演出，包括青年樂隊、口琴、街舞、啦啦隊展演等。中秋前夕(9月28日)晚上有綵燈晚會。
繁花彩蝶匯聚屯門公園
至於屯門公園嘅新界西中秋綵燈會以「荷塘月色」為主題，燈組由色彩斑斕嘅繁花、彩蝶等組成，仲有富中國文化特色嘅傳統手工藝示範、燈謎，以及舞台歌舞表演等，大家可歡度佳節。中秋正日當晚舉行「青年之夜」，大家可欣賞本地年輕藝術家、藝團等演出，包括青年樂隊、無伴奏合唱、街舞、醒獅及花式跳繩等。而綵燈晚會就喺追月夜（9月30日）舉行。
癸卯年中秋綵燈會詳情
《月亮製造機》互動光影裝置
日期：2023年9月15日至10月8日（五至日）
亮燈時間：6:30pm – 11pm*
地點：香港文化中心露天廣場
維多利亞公園市區中秋綵燈會／新界東中秋綵燈會／新界西中秋綵燈會
日期：2023年9月23日至10月2日（六至一）
亮燈時間：6:30pm – 11pm*
地點：維多利亞公園一號至六號足球場／沙田公園／屯門公園
大坑舞火龍
日期：2023年9月29日（五）農曆八月十五
時間：10:30pm – 11:30pm
詳情：https://www.cpo.gov.hk/zh-hk/activity/tc-mid-autumn-lantern-carnivals-2023-vp/
更多相關文章
週末好去處 ｜香港故宮文化博物館懶人包
週末好去處 ｜新界九龍區四大兒童室內遊樂場玩後報告
