9月底就係中秋節，灣仔利東街已經變身燈籠海，掛上超過800 個吉祥喜慶造中型中式燈籠，中秋節當日有 LED 燈製作嘅18米長舞火龍表演。大家亦可參與舞龍文化體驗班」，親自體驗傳統技藝、慈善手作市集、免費工作坊、音樂表演等，歡度佳節。
全新沙田Play Park試玩體驗 玩轉Kiztopia多款刺激遊樂設施
「躍兔‧ 迎月」綵燈會
利東街200米長的林蔭大道掛上逾 800 個燈籠，變成浪漫燈籠海，今年首度加入唔同造型特色燈籠，包括玉兔、金魚、楊桃等。配合旁優雅歐式建築，中西合璧，打卡一流。
LED 舞火龍盛會及舞龍文化體驗班
中秋節除咗食月餅、賞花燈，觀看「舞火龍」習俗唔好錯過。停辦三年嘅「LED 火龍舞鼓賀中秋」盛會將於中秋節正日（9 月 29 日）再現利東街，以 LED 燈光取代煙火，將現代科技融合傳統文化，全長 18 米的紅色全新 LED 火龍，並加入噴煙效果，另類演繹香港非物質文化遺產，適合一家大小近距離觀賞，感受傳統節日氣氛。
中秋前夕有多場「舞龍文化體驗班」，由郭氏功夫金龍醒獅團總教練郭文龍師傅主理，大家可以親身體驗及學習舞動火龍的基本技藝。
