由香港小姐出身的黃心穎，本是無線力捧女星之一，卻在2019年的安心事件後形象盡毀，被公司雪藏，漸漸地淡出幕前。後來於2020年認愛RubberBand鼓手泥鯭（黎萬宏），在泥鯭的幫助下以歌手的身份重投娛樂圈，而最近兩人承認已正式註冊結婚，可見黃心穎的事業與感情都重回軌道了。
不過原來黃心穎曾接受訪問時表示，重回幕前並非容易。當自己面對排山倒海的負評時，曾經一度不敢見人，也花了許多時間和心機從中走出來，直到今年才能夠以歌手的身份重回幕前。
高學歷香港小姐入行 行錯一步淡出幕前
黃心穎喺溫哥華成長，並在2012年於英屬哥倫比亞大學（UBC）金融與國際商業碩士畢業。並於同年參選2012年度香港小姐選舉，成為亞軍。後來便受TVB所捧，參與咗唔少電視劇作品。本來事業正在步入軌道，但2019年的安心事件被爆出後，黃心穎受到唔少評擊，又被TVB冷藏，便漸漸淡出了幕前。
學會與情緒共存 發掘新出口
黃心穎早在2020年被爆出同RubberBand鼓手泥鯭（黎萬宏）戀愛後，並在對方嘅幫助下喺今年以歌手身份重新出道。而佢嘅兩首新歌《Crown Me》和《沙包》，都係由佢自己作曲、填詞，佢亦表示音樂成為咗一個好好嘅情緒宣洩出口。
黃心穎喺訪問表示做音樂對佢來講係新嘗試，佢都估唔到自己會做音樂，純粹係Covid期間有日在哼歌，誤打誤撞得來嘅新技能，之後就試試配歌詞，後來便索性在美國的音樂學院上網課學音樂，再跟張楚翹學填詞。佢呢段期間學會與情緒並存，表示當有唔同情緒出現嘅時候佢會盡力去感受，但係唔會俾情緒控制。佢表示歌詞中讓她最深刻的一句是「最殘酷是親切慰問」，「可能每一次屋企人問你近排點，你好難答到佢哋，你都唔知自己想點，又唔想傷到佢哋心，嗰刻你覺得啲關心好煩，但我而家倒轉去睇，好好彩有呢啲陪伴、關心，先可以行出個Stage。」
明星成長 ｜鄧佩儀入行十年終做女一 突請假返加拿大重回校園生活？
曾一度唔肯接觸人 因養狗學佛而打開心扉
經歷過安心事件後 ，黃心穎表示對佢嘅影響都唔少，佢曾坦言表示自己有一段時間唔敢接觸人，最後領養咗一隻狗，因為放狗時會同其他狗主接觸、傾偈，慢慢開始打開心扉。另外，她亦有趁機學佛，讓她放下了不少執著，慢慢讓內心變得平靜，加上唔忍心見到爸爸再擔心自己，黃心穎先積極重新出發。。雖然新歌出街後都有唔少嘅負評聲音，當被問到如何面對負評時，黃心穎就話「我以前唔識Handle，但而家平靜好多，再難聽嘅說話都聽過，人哋點樣對我都係我嘅因果，呢刻我只可以做好自己，其他嘢控制唔到。」
