俗語說「生仔要考牌」，好多家長都唔識教仔，影響身邊人，甚至以為自己教法是對。ABC Pathways負責人Bally談及一宗網絡熱話，一名爸爸帶家人到老闆家中聚會，無阻止兒子跳梳化、踢寵物狗和用手拿食物，拆解家長背後想法和原因。
有網民在社交平台分享老闆邀請了員工及其家人作客，當日數名同事帶小朋友出席，當中一名爸爸帶太太及6歲兒子到達，該名小朋友入屋時表現興奮，未脫鞋就衝上梳化跳。當時幾個同事都被嚇一嚇，不過其爸媽「零反應」，有同事已教小朋友先脫鞋，但其爸媽仍然未有反應。
仔仔踢狗 媽媽冇糾正！
當時老闆家中養的大狗興奮地吠，但該小朋友卻「一腳伸埋隻狗度」，此刻媽媽將他抱走。正當同事以為她想教訓兒子，豈料她竟然表示：「你傻㗎，咁大隻就唔好踢啦，佢一陣咬番你呀，細嘅就唔怕」。老闆見狀即刻將狗拉走及作安撫，並「笑笑口」向該名爸爸表示「嘩，你咁樣教小朋友踢狗嘅？」但對方卻回應「我無呀！應該我老婆教」，令其他同事感到無言。
