小朋友放暑假，家長都想搵一個地方俾大小朋友行街兼打卡。旺角有一個商場室內有吸睛的大型打卡裝置，將旺角最具特色的主題街道金魚街、雀仔街、花墟濃縮在一個景區，而戶外就有超唯美鼠尾草花田，啱晒一家人打卡。
小朋友「試揸」紅VAN
MOKO新世紀廣場現正舉行「潮遊旺角」，大家可以見到多條標誌性街道包括金魚街、雀仔街、花墟及紅色小巴，以大型裝置形式一次過呈現。當中一架３米高搶眼的紅VAN，俾大家喺窗邊座位打卡，小朋友可以化身紅Van司機，體驗駕駛小巴的樂趣！
巨型鳥籠裝置打卡一流
另一個打卡位係4米高粉藍色巨型八角鳥籠裝置，柱身配以絢麗花卉佈置，籠邊掛上12個小鳥籠相互襯托，充滿仙氣，以現代風格呈現「雀仔街」特色。媽媽們坐在鳥籠中，背靠小清新花球吊飾及在彩燈照耀下打卡。鳥籠裝置旁堆滿了玫瑰、鬱金香、滿天星、梔子花等色彩繽紛的花卉，打卡一流。
巨大魚缸置身海底
小朋友一般都喜歡海洋生物，現場有3米高巨大魚缸，令人如置身海底。
超唯美鼠尾草花田
商場L3嘅戶外休憩空間有一片超唯美鼠尾草花田，極度吸睛！入夜後燈飾亮起，氣氛與日景大不相同，港女至愛！
除此之外，The Point會員消費滿指定金額即送「新城台慶音樂會 Music Fantasia 2023」門票，詳情請留意商場公佈！
