虎豹別墅重開導賞團即日開始報團逢星期五、六、日同埋公眾假期參觀

有「萬金油大王」之稱已故華僑商人胡文虎嘅一級歷史建築「虎豹別墅」，因營運赤字，上年12月提早交還畀政府，令到導賞團都忽然急煞停，市民冇得參加導賞喇！

直至6月20日接受可報名

好消息！6月9日開始，逢星期五、六、日同埋公眾假期，重新舉辦虎豹別墅導賞團，由即日開始至6月20日接受報名，每團名額24人，每人申請限額為2人。

一級歷史建築

喺度介紹番虎豹別墅嘅歷史畀大家知。虎豹別墅係胡文虎嘅大宅，1936年落成，由樓高4層嘅主樓、私人花園同埋工人宿舍組成，喺2009年獲評做一級歷史建築。

參觀花園及室內空間

透過今次導賞團，導賞員帶領大家參觀別墅嘅私人花園同大部份室內空間，仲會講解佢哋嘅歷史、建築特色同埋文物價值。有興趣參觀嘅市民，記得喺以下連結報名。

活動資料

集合地點︱香港大坑道15A號虎豹別墅正門外
名額︱每節24人，必須透過網上報名表格登記，每人最多可預約名額2名。報名人士將會收到電郵通知結果，成功申請者須在入場時出示確認電郵。（名額先到先得，額滿即止，不設現場報名）
語言︱粵語
費用︱全免
截止申請日期︱2023年6月20日（星期二）下午5時
報名連結︱https://bit.ly/42shB6O