Blogger豬仔包媽媽同豬仔包早前參加咗一個社區探索活動「香港世界牛奶日 x OHMYKIDS『童遊油麻地』」。豬仔包媽媽覺得呢個活動非常特別,係由小朋友做領隊,帶住爸爸媽媽去探索油麻地。
![週末好去處](https://1283385405.rsc.cdn77.org/wp-content/uploads/2023/05/opening-9-1024x768.jpg)
獲得一份小領隊選手包
活動開始前,每位參加小朋友獲得「小領隊選手包」一份,內有「童遊小領隊」T-shirt、領隊「Follow Me」旗仔、毛巾、地圖等,最特別係有張「家長靜音模式貼紙」,家長唔可以提示,一於畀小朋友擔大旗做小領隊,帶領家長玩轉油麻地。個「小領隊選手包」仲附送子母產品,畀小朋友沿途補充體力,完成任務呢!
![週末好去處](https://1283385405.rsc.cdn77.org/wp-content/uploads/2023/05/-21-1024x768.jpg)
簡介會初步了解活動
喺活動開始前,參加者必須出席線上簡介會,畀小朋友初步了解油麻地嘅歷史同埋現況,仲詳細講解活動嘅玩法,最後會獲得通關密碼用嚟做解鎖任務,自行選定時間,各自到社區進行實體活動。活動期間用手機應用程式實時提交探索任務嘅答案,會即時取得分數同排名呀!
![週末好去處](https://1283385405.rsc.cdn77.org/wp-content/uploads/2023/05/-22-576x1024.jpg)
核對裝備黃昏出發
由於嗰段日子唔係落雨就係太陽好猛烈,所以豬仔包媽媽揀咗一個天朗氣清嘅黃昏同豬仔包出發。出發前,佢哋根據地圖上嘅檢查清單,逐一核對有冇帶齊裝備,跟住就搭港鐵出發前往油麻地。喺港鐵站裏面,媽媽同豬仔包一齊睇地圖,擬定路線,完成後就立即開始任務,由豬仔包帶住媽媽去探索。
![週末好去處](https://1283385405.rsc.cdn77.org/wp-content/uploads/2023/05/-23-1024x768.jpg)
舉着「Follow Me」旗做領隊
由於平日媽媽帶豬仔包去街,搭港鐵都會畀豬仔包幫手搵出口,所以呢個搵出口任務對豬仔包嚟講毫無難度,仲攞住支「Follow Me」旗仔好有自信咁帶住媽媽行呢!
![週末好去處](https://1283385405.rsc.cdn77.org/wp-content/uploads/2023/05/folloe-me-768x1024.jpg)
要求出示「救命卡」
不過出到地面,豬仔包就非常迷惘,完全唔知點樣睇地圖嘅方向,所以極速就要出示「救命卡」,向媽媽求救,媽媽當然義不容辭,耐心咁教導豬仔包點樣分辨方向,例如可以透過街道牌、大馬路等去辨認方向,講解完一大輪,豬仔包明白後就再次出發。
![週末好去處](https://1283385405.rsc.cdn77.org/wp-content/uploads/2023/05/-24-1024x768.jpg)
順利找到第一個Check Point
豬仔包好快好順利咁就搵到第一個Check Point,跟住佢哋就攞出任務卡去睇問題,然後由豬仔包搵答案,媽媽就將豬仔包嘅答案即時用手機程式作答,答啱答錯都會即時知道。完成第一個任務,豬仔包非常興奮,即刻就向第二個Check Point進發。豬仔包有咗第一次經驗,佢已分辨到前、後、左、右,喺冇行錯路嘅情況下,好快亦都完成第二個任務。
![週末好去處](https://1283385405.rsc.cdn77.org/wp-content/uploads/2023/05/-25-1024x768.jpg)
飲奶補充體力
由於一開始用咗好多精力去學睇地圖,所以完成第二個任務後,豬仔包已經有點攰,呢個時候喺「小領隊選手包」嘅子母飲品就大派用場,佢一邊補充體力,一邊繼續帶住媽媽去其他Check Point,務求爭取一分一秒想盡快完成任務。
![週末好去處](https://1283385405.rsc.cdn77.org/wp-content/uploads/2023/05/-26-1024x768.jpg)
完成辛苦行程
媽媽覺得豬仔包真係非常厲害,因為整個過程只係問過路人一次,其他都係佢獨自完成嘅,連最辛苦行上去京士柏遊樂場,同埋油麻地配水庫,佢都全程自己行,媽媽同豬仔包由配水庫離開行番去油麻地消防局時,仲一邊行長樓梯,一邊數級數,發現有386級咁多噃!
![週末好去處](https://1283385405.rsc.cdn77.org/wp-content/uploads/2023/05/_3-1024x768.jpg)
食完晚飯再繼續
由於活動冇限時間,佢哋由黃昏玩到夜晚,帶去嘅飲品都全部飲光,所以最後要去食完晚飯先至有體力完成埋最後兩個Check Points,所以佢哋足足用咗差不多3個鍾頭先至完成晒。呢度提提大家:媽媽同豬仔包喺黃昏先至開始玩,其實有部份地標已關門,未必能好好答題,建議唔好太晏出動。
![週末好去處](https://1283385405.rsc.cdn77.org/wp-content/uploads/2023/05/_-1-1024x768.jpg)
認識許多油麻地歷史建築
媽媽覺得呢活動令豬仔包認識非常多油麻地嘅歷史性建築物,包括油麻地戲院、油麻地紅磚屋、油麻地果欄、油麻地天后古廟等,豬仔包又可以獨立解難,有勇氣開口問人,從中增強唔少自信心,亦得到極高嘅滿足感,仲學到好多關於牛奶嘅知識㖭!
![週末好去處](https://1283385405.rsc.cdn77.org/wp-content/uploads/2023/05/-27-1024x768.jpg)
既好玩也做善事
媽媽覺得呢個活動除咗好玩之外,仲係做善事,每賣出一張門票,香港世界牛奶日將透過「牛奶銀行」加碼捐出3排子母牛奶飲品(價值HK$108)畀樂餉社,畀不同年齡層嘅弱勢社群都有機會攝取足夠奶類,滋養佢哋嘅健康生活。
![週末好去處](https://1283385405.rsc.cdn77.org/wp-content/uploads/2023/05/-28-768x1024.jpg)
由於呢個社區探索反應熱烈,公眾報名名額雖然已滿,不過豬仔包媽媽發現【童遊油麻地】加開咗「子母特別場」,子母牛奶Dutch Lady HKHK送出30份活動門票(適用於 1 位家長及1 名5 至12 歲小朋友),畀佢哹一齊探索社區,仲可以了解牛奶嘅營養價值同健康生活知識。未報名嘅小朋友可以把握最後機會參加,仲有機會拎到精美禮物㖭!
活動詳情
日期︱3/6(星期六)至18/6(星期日),任何時間內自由進行
地點︱油麻地
形式︱各自組隊到社區實體進行,任務用Goodmates App 實時提交
報名連結︱https://bit.ly/421a2Vc
資料內容及相片獲得豬仔包の開心日常 專頁授權轉載
週末好去處 |環保概念之旅免費遊 4D電影+玩AR/VR遊戲+導覽
更多相關文章
週末好去處|免費親子農耕體驗半日營 初嘗有機農耕/DIY蛋殻杯墊
週末好去處|屯門室內游樂場「百田樂園」新店玩後報告週末
好去處|精選5大免費STEM兒童探知道好去處
週末好去處|親子上動物工作坊學STREAM 製作手工具+科學小實驗+玩AR遊戲
![](https://metroeducationplus.com.hk/wp-content/uploads/2023/03/image-1024x537.png)