台灣人氣插畫社交平台及盲盒玩具品牌「狗狗的小跳步，繪蹦砰！」聯乘「吃貨恐龍」日本童話系列，嚟咗置富Malls 旗下3大商場同香港嘅朋友仔見面呀。今次豬仔包媽媽帶豬仔包去睇咗馬鞍山廣場「桃太郎航海美食探險記睇下有幾好玩！
3大主要角色變身食神
3大童話場景全部都係以大家耳熟能詳嘅經典故事做主題，包括馬鞍山廣場「桃太郎航海美食探險記」、天水圍+WOO嘉湖「 浦島太郎深海龍宮吃貨派對」同紅磡置富都會「 金太郎勇闖森林美食團 」，3大主要角色吃貨恐龍、富士山雷龍同吃貨動物，今次沒有斬妖除魔，全部變身做食神，響海陸到處找尋山珍海味，響3大夢幻場景陪大家打卡，實行過一個吃貨復活節。
媽媽同豬仔包率先去咗馬鞍山廣場，同「桃太郎」版嘅吃貨恐龍，仲有佢哋嘅團隊打個招呼。今次團隊攻打嘅唔係鬼島，轉換咗航道去咗美食島，共有4大打卡場景。
近5米高嘅冒險船「吃貨第一號」揚起印上吃貨「桃太郎」團隊嘅主帆，「小浣熊」船長遠目覓食，同時歡迎大家體驗舵手滋味。
櫻花林中，4米高嘅吃貨恐龍「桃太郎」坐在桃上，以勝利的姿態向我哋展示笑顏，仲歡迎大家響佢面前嘅「野餐椅」一齊打卡合照添。
美食島嘅鳥居前，有「龍龍武士」看守著大寶箱，裡面全部都係團隊嘅美食收穫。
搭建水管小遊戲
Q萌嘅「富士山雷龍」就默默地響富士山協助守護美食，響旁邊有搭建水管小遊戲，只要水到渠成，就能協助「桃太郎」完成任務，大家記得要幫手呀。
