台灣人氣插畫社交平台及盲盒玩具品牌「狗狗的小跳步,繪蹦砰!」聯乘「吃貨恐龍」日本童話系列,嚟咗置富Malls 旗下3大商場同香港嘅朋友仔見面呀。今次豬仔包媽媽帶豬仔包去睇咗馬鞍山廣場「桃太郎航海美食探險記睇下有幾好玩!
![](https://1283385405.rsc.cdn77.org/wp-content/uploads/2023/03/337392383_165812593012587_476825070897688604_n-1024x768.jpg)
3大主要角色變身食神
3大童話場景全部都係以大家耳熟能詳嘅經典故事做主題,包括馬鞍山廣場「桃太郎航海美食探險記」、天水圍+WOO嘉湖「 浦島太郎深海龍宮吃貨派對」同紅磡置富都會「 金太郎勇闖森林美食團 」,3大主要角色吃貨恐龍、富士山雷龍同吃貨動物,今次沒有斬妖除魔,全部變身做食神,響海陸到處找尋山珍海味,響3大夢幻場景陪大家打卡,實行過一個吃貨復活節。
媽媽同豬仔包率先去咗馬鞍山廣場,同「桃太郎」版嘅吃貨恐龍,仲有佢哋嘅團隊打個招呼。今次團隊攻打嘅唔係鬼島,轉換咗航道去咗美食島,共有4大打卡場景。